ఏకంగా లోకనాయకుడు కమల్ హాసన్ తో యంగ్ టైగర్ ఎన్టీఆర్ పోటీకి సిద్ధమయ్యాడు. అది కూడా వెండితెరపై కాదు. బుల్లితెరపై. అవును.. ఎన్టీఆర్, కమల్ ఇప్పుడు ఒకే షో చేస్తున్నారు. కాకపోతే భాష వేరు. తెలుగులో బిగ్ బాస్ రియాలిటీ షో కోసం ఎన్టీఆర్ ను తీసుకుంటే.. తమిళ్ లో అదే బిగ్ బాస్ షో కోసం కమల్ హాసన్ ను తీసుకున్నారు.
మెగాస్టార్ చిరంజీవిని యంగ్ టైగర్ ఎన్టీఆర్ క్రాస్ చేశాడు. జనరల్ గా బాక్సాఫీస్ లెక్కలు, వంద రోజుల సెంటర్లు లాంటి క్యాలిక్యులేషన్లు తీస్తే అది వివాదాలకు దారితీస్తుంది. కానీ ఇక్కడ మాత్రం ఎలాంటి కాంట్రవర్సీ లేదు. అంతా క్లియర్. అఫీషియల్ గా చిరంజీవిని ఎన్టీఆర్ దాటేసినట్టే. కాకపోతే ఈ ఫీట్ వెండితెరపై కాదు.. బుల్లితెరపై నమోదు కానుంది.