కోర్టుకి వెళ్లినా పెద్ద‌గా ఉప‌యోగం ద‌క్క‌లేదు చార్మికి. కోర్టులో కేసు వేస్తే సిట్‌ని ఇరుకున పెట్టొచ్చు అని కొంద‌రు ఆమెని త‌ప్పుదోవ ప‌ట్టించార‌ట‌. అయితే ఆమె నుంచి బ‌ల‌వంతంగా ర‌క్త న‌మూనాలు, గోళ్లు, జుట్టు సేక‌రించొద్ద‌న్న కోర్టు ఆదేశం మిన‌హా ఆమె పెద్ద‌గా సాధించింది ఏమీ లేదు. ఈ విష‌యంలో సిట్ మొద‌టి నుంచే అదే వాద‌న చేస్తోంది. సెల‌బ్రిటీలు ఒప్పుకోక‌పోతే శాంపుల్స్ తీసుకోమ‌ని చెపుతోంది. సో కోర్టు వ‌ల్ల ఆమెకి వ‌చ్చిన ఎక్స్‌ట్రా బెనిఫిట్ ఏమీ లేదు.

డ్ర‌గ్స్ కేసులో సినిమా తార‌ల‌ను గంట‌ల త‌ర‌బ‌డి విచారిస్తోంది సిట్ (స్పెష‌ల్ ఇన్విస్టిగేష‌న్ టీమ్‌). అయితే ఈ కేసులో కేవ‌లం సినిమా వారినే టార్గెట్ చేసిన‌ట్లు క‌నిపిస్తోంద‌ని విమ‌ర్శ‌లు వెల్లువెత్తుతున్నాయి. రాంగోపాల్ వ‌ర్మ ఇప్ప‌టికే త‌ప్పు ప‌ట్టాడు. తాజాగా ఆర్‌.నార‌య‌ణ మూర్తి కూడా ఇదే అభిప్రాయం వెల్ల‌డించాడు. డ్రగ్స్ విషయంలో సినిమా రంగాన్నే లక్ష్యం చేయడం సరికాదన్నారు నారాయణమూర్తి.

సినిమాలు తీసే మాకే సినిమాలు చూపిస్తున్నార‌ని కౌంట‌ర్ వేశారు నారాయ‌ణ మూర్తి.