ఒకపుడు అందానికి మారుపేరు జయప్రద. తన గ్లామర్తో దేశవ్యాప్తంగా క్రేజ్ తెచ్చుకున్న నటి ఆమె. జయప్రదకి రాజకీయాలు కూడా కొత్తేమీ కాదు. గతంలో కొన్నాళ్లూ తెలుగుదేశం పార్టీలో ఉన్నారు. ఆ తర్వాత సమాజ్వాదీ పార్టీలో చేరి పోటీ కూడా చేశారు.
మరోసారి ఉత్తరప్రదేశ్ రాజకీయాల్లోనే మళ్లీ యాక్టివ్ కానున్నారట. జయప్రద బీజేపీలో చేరనున్నారనేది తాజా సమాచారం. ఆమె స్నేహితుడు అమర్ సింగ్ ఈ విషయాన్ని మీడియాకి తెలియచేశాడు. ఐతే ఇంతవరకు ఆమెకి బిజేపీ తరఫున టికెట్ దక్కలేదు. 55 ఏళ్ల జయప్రద చాలా కాలంగా లైమ్లైట్లో లేరు.
"పద్మావత్" సినిమా ఎంత పెద్ద హిట్టయిందో ప్రత్యేకంగా చెప్పక్కర్లేదు. ఆ సినిమాలో రాణి పద్మావతి పాత్ర కన్నా ఖిల్జీ పాత్రకే ఎక్కువ ప్రాధాన్యం దక్కింది. పద్మావతి అందం గురించి కథలు కథలుగా విన్న క్రూరుడైన రాజు ఖిల్జీ...ఆమెని ఎలాగైనా చూడాలని చిత్తోడ్పై దండయాత్ర చేస్తాడు. దాదాపుగా నా జీవితంలో కూడా ఓ ఖిల్జీ ఉన్నాడని ఒకప్పటి గ్లామర్ క్వీన్ జయప్రద తాజాగా కామెంట్ చేశారు.
పద్మావతిని వేదించినట్లు తనని కూడా ఓ ఖిల్జీ వేధించాడని ఈ మాజీ ఎంపీ చెప్పుకొచ్చారు. 2009 ఉత్తరప్రదేశ్ ఎన్నికల్లో తన సొంత పార్టీ సమాజ్ వాదీకి చెందిన ఆజమ్ ఖాన్ తనను వేధించారని ఆమె అన్నారు.