పవన్ కెరీర్ పై ఇప్పుడు భారీ చర్చ నడుస్తోంది. పవర్ స్టార్ సినిమాల నుంచి తప్పుకుంటాడా.. లేక అజ్ఞాతవాసి తర్వాత తన 26వ సినిమాను ప్రకటిస్తాడా..? ఫిలింనగర్ లో అందరి ఆలోచనలు ఈ దిశగానే సాగుతున్నాయి.

తాజాగా జరిగిన ఆడియో రిలీజ్ ఫంక్షన్ లో పవన్ నిర్ణయం వెల్లడిస్తాడని అంతా ఎదురుచూశారు. సుదీర్ఘంగా ప్రసంగించడం కోసమే ప్రత్యేక అతిథుల్ని ఆహ్వానించలేదనే ప్రచారం కూడా జరిగింది. కానీ పవన్ ఈసారి కూడా తన కెరీర్ ను ప్రశ్నార్థకంగానే మిగిల్చాడు. నెక్ట్స్ సినిమాపై ఎలాంటి స్పష్టత ఇవ్వలేదు. అలా అని సినిమాల నుంచి తప్పుకుంటానని కూడా చెప్పలేదు.

ప‌వ‌ర్‌స్టార్ ప‌వ‌న్ క‌ల్యాణ్ అవుటాఫ్ షేప్ అయ్యాడ‌నీ, ఫేస్‌లో ఏజ్ బాగా క‌నిపిస్తోంద‌ని ఇటీవ‌ల చాలా కామెంట్స్ వ‌చ్చాయి. కొన్ని మీడియాల్లోనూ ఇలాంటి క‌థ‌నాలు వ‌చ్చాయి. ఎటువంటి మేక‌ప్ లేకుండా, చాలా సాదాసీదాగా బ‌య‌టికి వ‌స్తుంటాడు ప‌వ‌ర్‌స్టార్‌. ఆ టైమ్‌లో కెమెరామెన్‌లు తీసే ఫోటోల‌తో క‌థ‌లు అల్లేశారు కొంద‌రు.

తాజాగా విడుద‌లైన "అజ్ఞాత‌వాసి" మొద‌టి లుక్‌తో అవ‌న్నీ ప‌టాపంచాల‌య్యాయి. ప‌వ‌ర్‌స్టార్ మ‌రింత స్ట‌యిలీష్‌గా ఉన్నాడిపుడు. తొలి లుక్ అదిరింది. ఇక సినిమాలో మ‌రింత అదుర్స్ అన్న‌ట్లుగా ఉంటాడ‌ట‌.