"వెంకటాపురం" ఈ నెల 12న గ్రాండ్ గా ప్రపంచవ్యాప్తంగా విడదలయ్యి మంచి చిత్రంగా ప్రశంశలు పొందుతుంది. హ్యాపీడేస్ ఫేం యంగ్ హీరో రాహుల్, మహిమా మక్వాన్ జంటగా నటించారు. స్వామిరారా, రౌడీఫెలో చిత్రాలకు అసోసియేట్గా పనిచేసిన వేణు దర్శకత్వం వహించిన ఈ చిత్రం మెదటి వీకెండ్ కంప్లీట్ చేసుకుని 92 లక్షల గ్రాస్ వసూలు చేసింది.
"మొదటి మూడు రోజులకి 97 లక్షల గ్రాస్ వసూలు చేసింది. రోజు రోజుకి మౌత్ టాక్ పెరిగి కలెక్షన్లు పుంజుకుంటున్నాయి," అని ఆనందం వ్యక్తం చేశారు నిర్మాతలు. గుడ్ సినిమా గ్రూప్ పతాకంపై శ్రేయాస్ శ్రీనివాస్, తూము ఫణి కుమార్ ఈ మూవీని నిర్మించారు.
అప్పుడెప్పుడో హ్యాపీ డేస్ తో హిట్ అందుకున్నాడు. మళ్లీ ఇన్నాళ్లకు తెరపైకొచ్చాడు టైసన్ రాహుల్. అయితే ఈసారి మామూలుగా రాలేదు. మంచి కథతో పాటు మేకోవర్ తో ప్రేక్షకుల ముందుకొచ్చాడు. గత సినిమాల అనుభవాలతో ఈసారి ఎంతో జాగ్రత్తగా వెంకటాపురం సినిమా చేశాడు టైసన్ అలియాస్ రాహుల్.
వెంకటాపురం సినిమాలో రాహుల్ మేకోవర్, నటనకు మంచి ప్రశంసలు దక్కుతున్నాయి. సినిమా కమర్షియల్ గా హిట్ అయిందా లేదా అనే విషయాన్ని పక్కనపెడితే.. రాహుల్ తో పాటు యూనిట్ అంతా ఓ మంచి ప్రయత్నం చేశారని ప్రేక్షకులు చెప్పుకుంటున్నారు.