కోర్టుకి వెళ్లినా పెద్ద‌గా ఉప‌యోగం ద‌క్క‌లేదు చార్మికి. కోర్టులో కేసు వేస్తే సిట్‌ని ఇరుకున పెట్టొచ్చు అని కొంద‌రు ఆమెని త‌ప్పుదోవ ప‌ట్టించార‌ట‌. అయితే ఆమె నుంచి బ‌ల‌వంతంగా ర‌క్త న‌మూనాలు, గోళ్లు, జుట్టు సేక‌రించొద్ద‌న్న కోర్టు ఆదేశం మిన‌హా ఆమె పెద్ద‌గా సాధించింది ఏమీ లేదు. ఈ విష‌యంలో సిట్ మొద‌టి నుంచే అదే వాద‌న చేస్తోంది. సెల‌బ్రిటీలు ఒప్పుకోక‌పోతే శాంపుల్స్ తీసుకోమ‌ని చెపుతోంది. సో కోర్టు వ‌ల్ల ఆమెకి వ‌చ్చిన ఎక్స్‌ట్రా బెనిఫిట్ ఏమీ లేదు.

డ్ర‌గ్స్ కేసులో టాలీవుడ్ తార‌ల విచార‌ణ రోజు రోజుకో మ‌లుపు తిరుగుతోంది. కాజల్ మేనేజ‌ర్ రోని ప‌ట్టుబ‌డ‌డ‌మే ఒక పెద్ద మ‌లుపు. హైకోర్టు నుంచి చార్మి పెద్ద‌గా ఉప‌శ‌మ‌నం పొంద‌క‌పోవ‌డం ఒక కీల‌క ప‌రిణామామే. తాజాగా మ‌రో ఆస‌క్తిక‌ర‌మైన‌ విష‌యం బ‌య‌ట‌ప‌డింద‌ట‌. విచార‌ణ‌కి హాజ‌ర‌వుతున్న తార‌లు, మ‌రికొంద‌రు అనుమానితులు అలోవిరా జ్యూస్ సేవించి విచార‌ణ‌కి హాజ‌ర‌వుతున్నార‌ని సిట్ అనుమానిస్తున్న‌ట్లు వార్త‌లు వ‌స్తున్నాయి.

సైంటిఫిక్‌గా ప్రూవ్ కాలేదు కానీ అలోవిరా జ్యూస్ తాగితే డోపింగ్ టెస్ట్ వంటి వాటి నుంచి ఈజీగా బ‌య‌ట‌ప‌డొచ్చ‌నే ప్ర‌చారం చాలా కాలంగా ఉంది.