మహేష్ బాబు నటిస్తున్న మోస్ట్ ఎవెయిటింగ్ మూవీ స్పైడర్ గ్లింప్స్ రిలీజ్ అయింది. దీన్నే మనం ఫస్ట్ లుక్ టీజర్ అని కూడా అనుకోవచ్చు. ఎవరూ ఊహించని విధంగా బయటకొచ్చింది స్పైడర్ టీజర్. ఓ డబ్బాను క్లోజ్ లో చూపించి, అది స్పైడర్ గా మారడం చూపించారు. అది కూడా మామూలు స్పైడర్ కాదు. రోబో స్పైడర్ అన్నమాట. ఆ స్పైడర్ మెల్లగా పాక్కుంటూ వచ్చి మహేష్ భుజంపైకి చేరడం. ఇదీ స్పైడర్ ఫస్ట్ లుక్ టీజర్ కథ. స్పై అంటే గూఢచారి అని అర్థం. ఈ సినిమాలో మహేష్, గుఢచారిగా నటిస్తున్నాడు కాబట్టి.. రిథమ్ కోసం స్పైడర్ అని పేరుపెట్టి ఉంటారని అంతా భావించారు. కానీ సినిమాలో అంతకుమించి ఉందనే విషయం ఈ “గ్లింప్స్” చూస్తే అర్థమౌతోంది.
మహేష్ - మురుగదాస్ కాంబోలో వస్తున్న స్పైడర్ మూవీ ఇప్పటికే రెండు సార్లు వాయిదాపడింది. మొదట జూన్ 23 అన్నారు. తర్వాత ఆగస్ట్ అన్నారు. కానీ ఈ రెండూ వర్కవుట్ కాలేదు. తాజాగా సెప్టెంబర్ కు సినిమా పోస్ట్ పోన్ అయింది. మరోవైపు సినిమా షూటింగ్ పై కూడా ఎలాంటి క్లారిటీ లేదు. ఎట్టకేలకు ఈ సినిమా ఫైనల్ షెడ్యూల్ పై ఓ చిన్న క్లారిటీ ఇచ్చింది యూనిట్.
