రాజమౌళి దర్శకత్వంలో తెరకెక్కుతున్న మెగా ఎపిక్....ఆర్.ఆర్.ఆర్
ఈ సినిమా టైటిల్లో మూడు Rలున్నాయి. ఎన్టీఆర్, రామ్చరణ్, రాజమౌళి..ముగ్గురు మెయిన్ పిల్లర్స్. ఇక ఈ సినిమాకి సంబంధించి ఒక కొత్త పుకారు షురూ అయింది. ఈ సినిమాలో పాటలు కూడా మూడే ఉంటాయిట. ఇది ఇంతవరకు నిజమో కానీ ఈ వార్త మాత్రం ఆసక్తికరంగానే ఉంది.
జూనియర్ ఎన్టీఆర్, రామ్చరణ్ హీరోలుగా రాజమౌళి తెరకెక్కిస్తున్న "ఆర్.ఆర్.ఆర్" షూటింగ్ కొత్త షెడ్యూల్ వచ్చే నెలలో తమిళనాడులో జరగనుంది. దేశంలోని అనేక ప్రాంతాల్లో ఈ సినిమాని తీయనున్నారు. అలా చాలా గ్రాండ్గా ప్లాన్ చేశారు రాజమౌళి. ప్రస్తుతానికి హీరోయిన్లతో అవసరం లేని సీన్లే చిత్రీకరిస్తున్నారు. రామ్చరణ్, ఎన్టీఆర్లపై కాంబినేషన్లు తీశారు. అలాగే ఇద్దరి సీన్లు సోలోగా కూడా చిత్రీకరించారు.
ఐతే వచ్చే నెల నుంచి మొదలయ్యే షెడ్యూల్స్ నాటికి ఇద్దరు హీరోయిన్లు షూటింగ్లో జాయిన్ అవాల్సి ఉంటుంది. ఎవరా ఇద్దరు హీరోయిన్లు?
రాజమౌళి ఏరికోరి ఆలియా భట్ ని తీసుకున్నాడని మనమంతా అనుకుంటున్నాం కదా. ఒక దశలో పారితోషికం విషయంలో ఆలియా బెట్టు చేస్తే రాజమౌళి ఆమెని ఎలాగోలా ఒప్పించాడని కూడా వార్తలు వచ్చాయి. కానీ ఆలియా భట్ మాత్రం అదంతా అబద్దపు ప్రచారం అంటోంది.