రామ్ చరణ్ ఫేస్ బుక్ ఎకౌంట్ గురించి అందరికీ తెలుసు. కానీ ఈ హీరోకు ఇనస్టాగ్రామ్ ఎకౌంట్ కూడా ఉంది. ఈ విషయాన్ని హీరోయిన్ కైరా అద్వానీ బయటపెట్టింది. రామ్ చరణ్ సీక్రెట్ గా ఓ ఇన్‌స్టాగ్రామ్ ఎకౌంట్ మెయింటైన్ చేస్తున్నాడని చెప్పేసింది. దీనిపై చరణ్ రియాక్ట్ అయ్యాడు.

"అవును.. ఇన్‌స్టాగ్రామ్ లో నాకు సీక్రెట్ ఎకౌంట్ ఉంది. కానీ దాన్ని నేను బయటపెట్టదలుచుకోలేదు. సీక్రెట్ గానే ఉంచుతాను. సోషల్ మీడియాలో ఏం జరుగుతుందో తెలుసుకునేందుకు అలాంటి ఎకౌంట్ ఒకటి ఉండాలి. కైరా అద్వానీ ఈ విషయాన్ని బయటపెట్టేసింది. ఆ తర్వాతే అందరికీ తెలిసింది, అని చెప్పాడు చ‌ర‌ణ్‌.

చెప్పిన టైమ్ కు "సైరా" రావడం లేదు. ఇది గాసిప్ కాదు, స్వయంగా రామ్ చరణ్ వెల్లడించిన విషయం. లెక్కప్రకారం "సైరా" సినిమా సమ్మర్ ఎండింగ్ లో మే నెలాఖరుకు లేదా జూన్ కు రావాలి. కానీ ఆ టైమ్ కు సినిమా రాదని రామ్ చరణ్ స్పష్టంచేశాడు. ప్రస్తుతం షూటింగ్ స్టేజ్ లో ఉన్న సైరా సినిమాను ఈ ఏడాది సెకండాఫ్ లో రిలీజ్ చేస్తామని ప్రకటించాడు.

అటుఇటుగా సెప్టెంబర్ లో సైరా సినిమా థియేటర్లలోకి వచ్చే ఛాన్స్ ఉందని స్పష్టంచేశాడు.