రేవ‌తి అని హెడ్‌లైన్ చూసి... మౌన‌రాగం, గాయం, అంకురం చిత్రాల న‌టి అనుకోవ‌ద్దు. రేవ‌తి చౌదరి అనే వ‌ర్ధ‌మాన న‌టి గురించి ఈ ప్ర‌స్తావ‌న. శివాజీ హీరోగా రూపొందిన ఓ సినిమాలోనూ, తార‌క‌ర‌త్న స‌ర‌స‌న కాక‌తీయుడు చిత్రంలోనూ న‌టించింది రేవ‌తి చౌదరి. ఆమె పుట్టింది, పెరిగింది విజ‌య‌వాడ‌లోనే కానీ చాలా కాలంగా హైద‌రాబాద్‌లోనే ఉంటున్నందున ఈ సారి తెలంగాణ ఎన్నిక‌ల్లో పోటీ చేయాల‌నే ఉద్దేశంతో తెలుగుదేశం పార్టీలో చేరింది. అన్న‌ట్లు ఆమె న‌టించిన ఆ రెండూ సినిమాలు విడుద‌ల‌కి నోచుకోలేద‌ట!
తెలంగాణ ముఖ్య‌మంత్రి కేసీఆర్ ముంద‌స్తుగానే అసెంబ్లీ ర‌ద్దు చేయ‌డంతో ఎన్నిక‌లు అనివార్యం అయ్యాయి. తాజా స‌మాచారం ప్ర‌కారం తెలంగాణ అసెంబ్లీ ఎన్నిక‌లు న‌వంబ‌ర్‌లో కానీ డిసెంబ‌ర్‌లో కానీ జ‌రుగుతాయి. టీఆర్ ఎస్‌లో ఉన్న ఒక సినిమా స్టార్‌కి మ‌ళ్లీ అవకాశం ఇవ్వ‌లేదు కేసీఆర్. సిట్టింగ్ ఎమ్మేల్యే బాబూమోహ‌న్‌కి మ‌ళ్లీ ఆంధోల్ నుంచి టికెట్ ఇవ్వ‌లేదు. ఒక‌పుడు టీఆర్ ఎస్‌లో ఉన్న సూప‌ర్‌స్టార్ విజయశాంతి కూడా నాలుగేళ్లు సైలెంట్‌గా ఉన్నారు. మ‌రి ఆమె ఇపుడు రంగంలోకి దిగుతారా?
