ద‌ర్శ‌కేంద్రుడు కె.రాఘ‌వేంద్ర‌రావు అన‌గానే తెల్లగ‌డ్డంతో కూడిన రూపం గుర్తొస్తుంది. ఎపుడూ గ‌డ్డంతోనే ఉంటారాయ‌న‌. ఐతే ఇపుడు ద‌ర్శ‌కేంద్రుడు త‌న గడ్డాన్ని ప్ర‌త్యేక హోదాకి అర్పించారు. హోదా వ‌చ్చేలా చేయ‌మ‌ని  తిరుప‌తి వెంక‌టేశ్వ‌రుడిని మొక్కుకున్నారాయ‌న‌.

సాధార‌ణంగా మొక్కు తీరిన త‌ర్వాత త‌ల‌నీలాలు స‌మ‌ర్పిస్తారు భ‌క్తులు. ద‌ర్శ‌కేంద్రుడు మాత్రం ముందే స‌మ‌ర్ప‌యామి అన్నారు. ఇది రివ‌ర్స్ మొక్కు.  ప్రత్యేకహోదా పోరాటంలో ప్రభుత్వానికి తమ సంపూర్ణ మద్దతు ఉంటుందని,  త్వరలోనే రాష్ట్ర ప్రజలు శుభవార్త వింటారనే న‌మ్మ‌కం ఉంద‌న్నారు. సోమ‌వారం (ఏప్రిల్ 9న‌) ఆయ‌న త‌న గ‌డ్డాన్ని అర్పించారు.

తిరుమ‌ల తిరుప‌తి దేవుణ్ని ద‌ర్శించుకొన్నాడు అల్లు అర్జున్‌. ఎల్లుండి విడుద‌ల కానున్న త‌న డీజే దువ్వాడ జ‌గ‌న్నాథం సినిమా పెద్ద హిట్ కావాల‌ని కోరుకున్నాడ‌ట‌. తన ప్ర‌తి సినిమా విడుద‌ల‌కి ముందు తిరుమ‌ల వెంక‌టేశ్వురుడిని నిర్మాత దిల్‌రాజు ద‌ర్శించుకుంటాడు. ఆయ‌న శ్రీవెంక‌టేశ్వ‌రస్వామి భ‌క్తుడు. ఆయ‌న బ్యాన‌ర్ పేరు కూడా అదే. ఈసారి త‌న‌తో పాటు బ‌న్నిని కూడా తిరుమ‌ల‌కి తీసుకెళ్లాడు. 

తిరుమ‌ల కొండ‌పై శ్రీ వేంకటేశ్వరస్వామిని సమంత శనివారం ఉదయం దర్శించుకున్నారు. తిరుమ‌లకి ఆమె ఒక్క‌రే రావ‌డం విశేషం. ఈ జ‌న‌వ‌రిలో ఆమె హీరో నాగ చైత‌న్య‌తో నిశ్చితార్థం జ‌రుపుకొంది. కానీ ఆమె వెంట చైత‌న్య కానీ, కుటుంబ సభ్యులు కానీ లేరు.