మనుషుల్లోనే కాదు, పందుల్లో కూడా సూపర్ స్టార్స్ ఉంటారని వాదిస్తున్నాడు దర్శకుడు రవిబాబు. ఉదాహరణగా తన బంటీనే చూపిస్తున్నాడు. నిజంగా తన బంటీ సూపర్ స్టార్ అంటూ రవిబాబు చెప్పే లాజిక్ ఇది. "వీడు (పంది) నిజంగానే సూపర్ స్టార్. ఎందుకంటే ఇండియాలో ఎవరూ ఇప్పటివరకు పందిపిల్లను హీరోగా పెట్టి సినిమా తీయలేదు. ఇదే ఫస్ట్ టైం. ఇంతకుముందు ఇలాంటి వారు (పందులు) లేరు. సో.. ఈ జానర్ లో వీడొక్కడే ఉన్నాడు కాబట్టి వీడు సూపర్ స్టారే కదా." ఇది రవిబాబు చెప్పే సూపర్ లాజిక్.
నవంబర్ నెలలో సవ్యసాచి ఇప్పటికే వచ్చింది. దాని ఫలితం చూశాం. దీపావళి నుంచి వరుసగా సినిమాలు క్యూ కడుతున్నాయి. వందల కోట్ల రూపాయలు వ్యాపారం జరగనుంది ఈ నెల.
సాధారణంగా నవంబర్లో సినిమాల తాకిడి తక్కువ ఉంటుంది. ఎందుకంటే ఇది డల్ సీజన్ కాబట్టి. కానీ ఈ సారి పరిస్థితి భిన్నంగా ఉంది. వందల కోట్ల రూపాయలతో తీసిన సినిమాలు కూడా ఈ నెలలోనే వస్తున్నాయి. దేశవ్యాప్తంగా హిందీ, తెలుగు, తమిళ భాషల్లో భారీ ఎత్తున విడుదల కానుంది అమీర్ ఖాన్ నటించిన థగ్స్ ఆఫ్ హిందోస్తాన్. ఈ సినిమాని తెలుగునాట కూడా భారీ ఎత్తున రిలీజ్ చేస్తున్నారు నవంబర్ 8న.
పడుతూ లేస్తూ సాగుతున్న "అదుగో" సినిమా ఎట్టకేలకు విడుదలకు సిద్ధమైంది. ఎప్పుడో పెద్ద నోట్ల రద్దుకు ముందే సిద్ధమైన ఈ సినిమా, సురేష్ బాబు రంగంలోకి దిగడంతో దీపావళి కానుకగా థియేటర్లలోకి వస్తోంది. పంది పిల్లను పెట్టి తీసిన ఈ సినిమాకు, అదే రేంజ్ లో వెరైటీగా ప్రచారం చేయాలని నిర్ణయించారు. ఇందులో భాగంగా పందితో పాదయాత్ర కాన్సెప్ట్ ను ప్రవేశపెట్టారు.
టాలీవుడ్లో కన్నడ భామలు ఓ రేంజ్లో హల్చల్ చేస్తున్నారు. బెంగుళూర్ బ్యూటీ పూజా హెగ్డే అగ్రహీరోయిన్గా ఎదిగింది. కుర్రకారుకి మైసూరు సుందరి రష్మిక అలా పట్టేసింది. ఇక ఇపుడు చిక్మగుళూర్ చిన్నది నభా నతేష్ కూడా కనికట్టు చేస్తోంది.