రాజమౌళి ఏరికోరి ఆలియా భట్ ని తీసుకున్నాడని మనమంతా అనుకుంటున్నాం కదా. ఒక దశలో పారితోషికం విషయంలో ఆలియా బెట్టు చేస్తే రాజమౌళి ఆమెని ఎలాగోలా ఒప్పించాడని కూడా వార్తలు వచ్చాయి. కానీ ఆలియా భట్ మాత్రం అదంతా అబద్దపు ప్రచారం అంటోంది.

కంగన రనౌత్ కొన్నాళ్లూగా ఆలియా భట్ ని టార్గెట్ చేస్తోంది. ఆలియా భట్ చెంచాగిరీ చేసి సినిమా ఇండస్ట్రీలో అవకాశాలు పొందుతోందని ఘాటుగా విమర్శిస్తోంది. ఐతే ఆలియా మాత్రం కంగనకి వ్యతిరేకంగా మాట్లాడడం లేదు.

కంగనని గట్టిగా తిడితే ఏ ప్రమాదం ముంచుకొస్తోందో అని ఆమె భయపడుతోంది. ఎందుకంటే హృతిక్ రోషన్ వంటి బడా హీరోనే కంగనాతో పెట్టుకొని దెబ్బతిన్నాడు.

తాజాగా కంగన సోదరి రంగోళి..సోషల్ మీడియాలో సంచలన వ్యాఖ్య చేసింది. ఆలియా భట్ తండ్రి మహేష్ భట్ గురించి ఆమె కామెంట్ చేసింది. కంగనని బాలీవుడ్ కి పరిచయం చేసిన నిర్మాత మహేష్ భట్. ఐతే ఆయన ఒకపుడు కంగనపైకి చెప్పు విసిరాడని బయటపెట్టింది రంగోళి.