త్రివిక్ర‌మ్ - అల్లు అర్జున్ కాంబినేష‌న్లో మూడో సినిమా క‌న్‌ఫ‌మ్ అయింద‌నేది పాత వార్తే. ఐతే ఈ సినిమా ప‌ట్టాలెక్కేందుకు ఇంకా చాలా అడ్డంకులున్నాయి. బాలీవుడ్‌లో సూప‌ర్‌హిట్ట‌యిన "సోనూకే టిటుకి స్వీటీ "(Sonu Ke Titu Ki Sweety) అనే సినిమాని రీమేక్ చేయాల‌నేది అల్లు అర్జున్ పెట్టిన ప్ర‌పోజ‌ల్‌. మొద‌ట త్రివిక్ర‌మ్ ఈ ఐడియాపై మొగ్గు చూపినా.. ఇపుడు ఆలోచ‌న‌లో ప‌డ్డాడ‌ట.
"అర‌వింద స‌మేత" విడుద‌ల కోసం అల్లు అర్జున్ వెయిట్ చేస్తున్నాడ‌నీ, ఆ సినిమా ఫ‌లితం చూసిన త‌ర్వాత త‌న కొత్త సినిమాని ప్ర‌క‌టిస్తాడ‌నీ చాలా కాలంగా ఫిల్మ్‌న‌గ‌ర్‌లో ప్ర‌చారం జ‌రుగుతోంది. ఎందుకంటే ద‌ర్శ‌కుడు విక్ర‌మ్‌కుమార్ చెప్పిన క‌థ పూర్తిగా న‌చ్చ‌క‌పోవ‌డంతో త్రివిక్ర‌మ్‌తో మూవీ చేయాల‌ని భావిస్తున్నాడు అల్లు అర్జున్. కానీ బ‌న్ని అర‌వింద స‌మేత రిజ‌ల్ట్ ఎలా ఉంటుందో చూసి ఓ నిర్ణ‌యం తీసుకుందామ‌ని ఆగాడ‌నేది ఇండ‌స్ట్రీ టాక్‌.
