"ఆకు చాటు పిందె త‌డిసే.." అనే పాట ఎంత పాపుల‌రో చెప్ప‌క్క‌ర్లేదు. ఎన్టీఆర్‌, శ్రీదేవిల‌పై చిత్రీక‌రించిన ఈ రొమాంటిక్ వాన పాట అప్ప‌ట్లో జ‌నాల్ని ఉర్రూత‌లూగించింది. ఈ పాటని మ‌ళ్లీ తీయ‌నున్నారు. వ‌చ్చే వార‌మే షూటింగ్‌. బాలయ్య‌, ర‌కుల్‌పై ఈ పాట‌ని మ‌ళ్లీ తీయ‌నున్నారు. ఇదంతా ఎన్టీఆర్ బ‌యోపిక్ కోస‌మే.

మహా నటుడు ఎన్టీఆర్ జీవితం వెండి తెరపై ఆవిష్కృతం అవుతుందనగానే... తెలుగు ప్రేక్షక లోకం ఎంతో ఆసక్తిగా, అభిమానంగా వేచిచూస్తుంది అనడంలో ఎలాంటి సందేహం ఉండదు. ఎందుకంటే రాముడైనా... కృష్ణుడైనా... శివుడైనా... వేంకటేశ్వర స్వామి అయినా ఆ పాత్రకు ఎన్టీ రామారావు మాత్రమే జీవంపోయగలరు. ఆ దేవతామూర్తులు ఎన్టీఆర్ లాగే ఉంటారేమో అనిపిస్తుంది.