నిర్మాత బండ్ల గణేష్ ని జూబ్లీహిల్స్ పోలీసులు అరెస్ట్ చేసారని మీడియాలో వార్తలు వచ్చాయి. కానీ అతన్ని అరెస్ట్ చెయ్యలేదు. నిర్మాత పీవీపీ చేసిన ఫిర్యాదు మేరకు అతన్ని బుధవారం పోలీస్ స్టేషన్ కి పిలిచి ప్రశ్నించారు. అలాగే కడప జిల్లా కోర్టుకి హాజరు కానీ కేసులో నాన్ బెయిలబుల్ జారీ అయిన కేసులోనూ పిలిచి మాట్లాడారు.
బ్లేడ్ బాబీగా పేరొందిన బండ్ల గణేష్...బిగ్ బాస్ 3లో చేరితే ఎలా ఉంటుంది? అదిరిపోద్ది కదా. ఆ ప్రోగ్రామ్...ఇలాంటి బాపతు వారికి పర్ ఫెక్ట్. అందుకే బండ్లని బిగ్ బాస్ టీమ్ సంప్రతించింది. మొదట బండ్ల గణేష్ కూడా ఉత్సాహం చూపాడు. కానీ తర్వాత తాపీగా ఆలోచించి నో చెప్పాడు.
బిగ్ బాస్ హౌజ్లోకి ఎంట్రీ ఇచ్చిన తర్వాత బాహ్యప్రపంచంతో సంబంధాలు కట్ అవుతాయి. ఫోన్ ఉండదు. బయటికి వచ్చే ఛాన్స్ లేదు. ఖర్మ కాలి మొదటి రౌండ్లోనే హోస్ట్ డిస్మిస్ చేస్తే తప్ప వారాల తరబడి అక్కడే ఉండాలి.