ప‌వ‌ర్‌స్టార్ ప‌వ‌న్ క‌ల్యాణ్‌.. రాయ‌లసీమ టూర్ మొద‌లుపెట్టాడు. క‌ర్నూల్‌లో రోడ్‌షో నిర్వ‌హించారు. జ‌న‌సేనాని వామ‌ప‌క్షాలు మిన‌హా ఇత‌ర పార్టీల‌తో పొత్తు పెట్టుకోన‌ని చెపుతున్నారు. ఐతే ప‌వ‌న్ క‌ల్యాణ్ - తెలుగుదేశం పార్టీతో అన‌ధికార పొత్తు పెట్టుకున్నార‌ని వైఎస్సార్సీ పార్టీ ఆరోపిస్తోంది. దాంతో జ‌గ‌న్‌పై మాట‌ల గ‌న్ పేల్చాడు ప‌వ‌ర్‌స్టార్‌. రెడ్డి అంటే జ‌నాల‌ని కాపాడేవాడు అని అర్థం, జ‌నం సొమ్ము దోచుకునేవాడు కాదంటూ జ‌గ‌న్ మోహన్‌రెడ్డిపై మాట‌ల తూటాలు సంధించాడు ప‌వ‌ర్‌స్టార్‌. 

జ‌న‌సేన అధినేత ప‌వ‌న్ క‌ల్యాణ్‌.. ప్ర‌స్తుతం ఒంటరి పోరు చేస్తున్న‌ట్లు క‌నిపిస్తోంది. ఆయ‌న తెలుగుదేశంతో పార్టీ పెట్టుకుంటార‌ని ప్ర‌చారం జ‌రుగుతున్నా.. దానికి పూర్తి భిన్నంగా వ్య‌వ‌హారం ఉంది. ప‌వ‌న్ క‌ల్యాణ్ సోద‌రుడు నాగ‌బాబు చంద్ర‌బాబునాయుడుని, లోకేష్‌ని, బాల‌య్య‌ని, సీబీఎన్ ఛానెల్ అనిపించుకుంటున్న ఏబీఎన్‌ని.. టార్గెట్ చేస్తూ నిత్యం యూట్యూబ్‌లో వాయిస్తున్నాడు. అన్న‌య్య ఇంత‌గా టీడీపీని ట్రోల్ చేస్తున్న‌పుడు త‌మ్ముడు అదే పార్టీతో చేతులు క‌లుపుతాడ‌ని ప్ర‌చారం చేయ‌డం అసంబంద్దంగా లేదూ!