నాగబాబు కూతురు నీహారిక బుల్లితెర‌పై, వెబ్‌తెర‌పై స‌క్సెస్ అయింది. కానీ వెండితెర‌పై ఆమెకి ల‌క్ క‌లిసిరావ‌డం లేదు. టీవీ యాంక‌ర్‌గా పేరు తెచ్చుకొంది. "ముద్ద‌ప‌ప్పు ఆవ‌కాయ" అనే పేరుతో యూట్యూబ్‌, వెబ్ సిరీస్‌లు కూడా చేసి ..యూత్‌ని అట్రాక్ట్ చేసింది. కానీ అదేంటో..హీరోయిన్‌గా ఇప్ప‌టి వ‌ర‌కు ఆమె చేసిన ఏ మూవీ కూడా ఆడలేదు..

నీహారిక కొణిదెల ఆ మ‌ధ్య ఒక హీరోని పెళ్లి చేసుకోవాల‌నుకుంది. కానీ ఇపుడు ఆమె ఆలోచ‌న డ్రాప్ చేసుకున్న‌ట్లు స‌మాచారం. ఏమైందో ఏమో కానీ.. ఇద్ద‌రి మ‌ధ్య బ్రేక‌ప్ అయింది (ట‌). అందుకే ఆమె ఎడాపెడా కొత్త‌గా సినిమాలు ఒప్పుకుంటోంది. త్వ‌ర‌లోనే హ్యాపీ వెడ్డింగ్ అనే సినిమా రిలీజ్ అవుతోంది.

రీసెంట్‌గా శ్రియాతో క‌లిసి ఒక సినిమా లాంచ్ చేసింది. అందులో ఆమె రెండో హీరోయిన్‌. అలాగే ముద్ద‌ప‌ప్పు వెబ్ సిరీస్ ద‌ర్శ‌కుడు తీస్తున్న తొలి చిత్రంలోనూ ఆమే క‌థానాయిక‌. అంటే చేతిలో హీరోయిన్‌గా రెండు సినిమాలు సెట్స్‌పై ఉన్నాయి.

సుమంత్ అశ్విన్‌, నీహారిక కొణిదెల జంటగా నటించిన చిత్రం "హ్యాపి వెడ్డింగ్". యువి క్రియేష‌న్స్, పాకెట్ సినిమా సంయుక్తంగా ఈ సినిమా నిర్మిస్తోంది. ల‌క్ష్మ‌ణ్ కార్య దర్శకుడు. ఈ నెల 21న ప్రీ వెడ్డింగ్ ఈవెంట్ ని గ్రాండ్ గా చేసేందుకు ప్లాన్ చేస్తున్నారు.

"పెళ్లి అనేది ప్ర‌తి ఒక్క‌రి జీవితంలో జ‌రిగే విష‌య‌మే. అయితే పెళ్ళి కుదిరిన రోజు నుండి పెళ్ళి జ‌రిగేరోజు వ‌ర‌కు రెండు కుటుంబాల మధ్య, రెండు మ‌న‌సుల మ‌ధ్య ఏం జ‌రుగుతుంద‌నే విష‌యాన్ని చాలా అందంగా చూపించామంటున్నారు మేక‌ర్స్‌.