పవర్స్టార్ పవన్ క‌ల్యాణ్ ఎపుడూ స‌ర్‌ప్రైజ్‌లు ఇస్తూనే ఉంటారు. కొత్త సంవ‌త్స‌రం తొలి రోజు తెలంగాణ ముఖ్య‌మంత్రి కె.చంద్ర‌శేఖ‌ర‌రావుతో జ‌న‌సేన అధినేత గంట‌న్న‌ర సేపు భేటీ కావ‌డం అతిపెద్ద స‌ర్‌ప్రైజ్‌. ఈ భేటి ఏపీ, తెలంగాణ రాజ‌కీయ వ‌ర్గాల్లో క‌ల‌క‌లం రేపింది.
కేసీఆర్‌తో ప‌వ‌ర్‌స్టార్‌కి ఇంత‌కుముందు ప్ర‌త్యేక‌మైన స్నేహ‌బంధం లేదు. గ‌త ఎన్నిక‌ల స‌మ‌యంలోనూ, ఆ తర్వాత కూడా కేసీఆర్ పార్టీకి వ్య‌తిరేకంగానే ప్రచారం చేశారు పవర్స్టార్. ఐతే ఇపుడు స‌డెన్‌గా క‌ల‌వడం వెనుక ఏదైనా వ్యూహం ఉందా? అస‌లు పవన్ క‌ల్యాణ్ కేసీఆర్‌ని ఎందుకు క‌లిశారు? అస‌లు రీజ‌న్ ఏంటి
పవన్ కెరీర్ పై ఇప్పుడు భారీ చర్చ నడుస్తోంది. పవర్ స్టార్ సినిమాల నుంచి తప్పుకుంటాడా.. లేక అజ్ఞాతవాసి తర్వాత తన 26వ సినిమాను ప్రకటిస్తాడా..? ఫిలింనగర్ లో అందరి ఆలోచనలు ఈ దిశగానే సాగుతున్నాయి.
తాజాగా జరిగిన ఆడియో రిలీజ్ ఫంక్షన్ లో పవన్ నిర్ణయం వెల్లడిస్తాడని అంతా ఎదురుచూశారు. సుదీర్ఘంగా ప్రసంగించడం కోసమే ప్రత్యేక అతిథుల్ని ఆహ్వానించలేదనే ప్రచారం కూడా జరిగింది. కానీ పవన్ ఈసారి కూడా తన కెరీర్ ను ప్రశ్నార్థకంగానే మిగిల్చాడు. నెక్ట్స్ సినిమాపై ఎలాంటి స్పష్టత ఇవ్వలేదు. అలా అని సినిమాల నుంచి తప్పుకుంటానని కూడా చెప్పలేదు.
