ఎట్ట‌కేల‌కి విజ‌య‌శాంతి పేరు మీడియాలో మార్మోగ‌నుంది. ఆమె ఫేస్ క‌నిపించ‌నుంది. కాంగ్రెస్ పార్టీ ఆమెని స్టార్ క్యాంపెయినర్‌గా నియ‌మించింది. త్వ‌ర‌లో జ‌ర‌గ‌నున్న తెలంగాణ అసెంబ్లీ ఎన్నిక‌ల నేప‌థ్యంలో కాంగ్రెస్ అధిష్టానం పార్టీ క‌మిటీల‌ను ప్ర‌క‌టించింది. విజ‌య‌శాంతికి కీల‌క బాధ్య‌త‌లు అప్ప‌గించింది. ప్ర‌ధాన ప్ర‌చార‌క‌ర్త హోదాతో పాటు ఎన్నికల ప్రచార కమిటీకి సలహాదారుగా బాధ్య‌త అప్ప‌గించింది. 

తెలంగాణ ముఖ్య‌మంత్రి కేసీఆర్ ముంద‌స్తుగానే అసెంబ్లీ ర‌ద్దు చేయ‌డంతో ఎన్నిక‌లు అనివార్యం అయ్యాయి. తాజా స‌మాచారం ప్ర‌కారం తెలంగాణ అసెంబ్లీ ఎన్నిక‌లు న‌వంబ‌ర్‌లో కానీ డిసెంబ‌ర్‌లో కానీ జ‌రుగుతాయి. టీఆర్ ఎస్‌లో ఉన్న ఒక సినిమా స్టార్‌కి మ‌ళ్లీ అవకాశం ఇవ్వ‌లేదు కేసీఆర్‌. సిట్టింగ్ ఎమ్మేల్యే బాబూమోహ‌న్‌కి మ‌ళ్లీ ఆంధోల్ నుంచి టికెట్ ఇవ్వ‌లేదు. ఒక‌పుడు టీఆర్ ఎస్‌లో ఉన్న సూప‌ర్‌స్టార్ విజ‌యశాంతి కూడా నాలుగేళ్లు సైలెంట్‌గా ఉన్నారు. మ‌రి ఆమె ఇపుడు రంగంలోకి దిగుతారా?