ఇలా చెప్పుకుంటేనే చాలా ఇంట్రెస్టింగ్ గా ఉంది కదా... అలాంటిది తెరపై చూస్తే స్క్రీన్ చిరిగిపోవాల్సిందే. బాక్సాఫీస్ బద్దలవ్వాల్సిందే. ఈ కాంబినేన్ కిర్రాక్ పుట్టించడం ఖాయం. ప్రస్తుతం గాసిప్ లెవెల్లో ఉన్న ఈ కాంబోను రియాలిటీలోకి తీసుకురావడానికి కొందరు సీరియస్ గా ప్రయత్నిస్తున్నారు. బాహుబలి 2తో పెరిగిన రాజమౌళి రేంజ్ ను, సూపర్ స్టార్ క్రేజ్ తో జతచేయాలని చూస్తున్నారు కొందరు. ఈ కాంబినేషన్ ను సెట్ చేసేందుకు ఎన్ని వందల కోట్లు పెట్టడానికైనా రెడీ అవుతున్నారు. ఎందుకంటే, బాహుబలి 2 తర్వాత రాజమౌళి-రజనీకాంత్ కాంబో అంటే క‌లెక్ష‌న్ల సునామినే.
రాజమౌళి కేవలం ఇప్పుడు ఓ దర్శకుడు మాత్రమే కాదు. ఆయ‌నొక బ్రాండ్. జక్కన్నతో సినిమా చేసేందుకు ప్రస్తుతం ఇండస్ట్రీలో ప్రతి ఒక్క హీరో పరితపిస్తున్నాడనడంలో ఎలాంటి సందేహం లేదు. బాహుబలి 2తో రికార్డుల మీద రికార్డులు సృష్టిస్తున్న రాజమౌళి.. నెక్ట్స్ ఎవరితో సినిమా చేస్తాడు? దీనిపై చాలా స్పెక్యులేషన్ నడుస్తోంది. కొందరు ఎన్టీఆర్ పేరు చెబుతుంటే, మరికొందరు రణ్వీర్ సింగ్, ప్రభాస్ పేర్లు వినిపిస్తున్నారు. అయితే మరికొందరు మాత్రం తమ ప్రయత్నాలు ఆపడం లేదు.
రాజమౌళి నెక్స్‌ట్ మూవీ గురించి ఎంతో డిస్క‌ష‌న్ నడుస్తోంది. ఫ్రాంక్‌గా చెప్పాలంటే నెక్స్‌ట్ ఏంటి అనే విష‌యంలో రాజమౌళి కూడా సీరియ‌స్‌గా థింక్ చేయ‌లేదు. ఎందుకంటే ఆయ‌న మూడ్ అంతా ఇపుడు కొంత విశ్రాంతి తీసుకోవ‌డ‌మే. ప్రస్తుతం లండ‌న్ విహార యాత్ర‌లో ఉన్నాడు. ఇండియాకి వ‌చ్చిన తర్వాత వెంట‌నే భూటాన్ వెళ్తాడు. అంటే ఇంకో రెండు నెల‌లు సినిమా గురించి ఊసే ఎత్త‌డు.
