ఎన్టీఆర్ కొత్త సినిమా షూటింగ్ శరవేగంగా నడుస్తోంది. హీరోయిన్లు కూడా సెట్ అయిపోయారు. ఇంకేముందని అంతా అనుకున్నారు. కానీ చాలామంది విలన్ విషయాన్ని మరిచిపోయారు. అవును.. 'జైలవకుశ' సినిమాకు మొన్నటివరకు విలన్ దొరకలేదు. ఎట్టకేలకు ఆ స్థానం భర్తీ అయింది బాలీవుడ్ నటుడు రోనిత్ రాయ్ ను జై లవకుశ సినిమాలో విలన్ గా తీసుకున్నారు.
మొదట ఈ సినిమాలో కన్నడ నటుడు దునియా విజయ్ ను విలన్ గా అనుకున్నారు. కానీ అనుకోని కారణాల వల్ల ఈ ప్రాజెక్టు నుంచి తప్పుకున్నాడు దునియా విలన్. అప్పట్నుంచి ఖాళీగా ఉన్న ఆ స్థానాన్ని రోనిత్ రాయ్ భర్తీ చేశాడు. ఈ విషయాన్ని అతడు స్వయంగా వెల్లడించాడు.
యంగ్ టైగర్ ఎన్టీఆర్ హీరోగా నటిస్తున్న 'జై లవకుశ' టీజర్ రెడీ అవుతోంది. వచ్చేనెల మొదటివారంలో ఈ సినిమా టీజర్ ను విడుదల చేయబోతున్నట్టు టీమ్ ప్రకటించింది. ఎన్టీఆర్ ఆర్ట్స్ బ్యానర్ పై జై లవకుశ సినిమాను కల్యాణ్ రామ్ నిర్మిస్తున్న విషయం తెలిసిందే.
బాబి దర్శకత్వంలో తెరకెక్కుతున్న జైలవకుశ సినిమా మొదట్నుంచి ఆడియన్స్ లో ఆసక్తిని రేకెత్తిస్తూనే ఉంది. దీనికి రెండు కారణాలున్నాయి. ఒకటి జనతా గ్యారేజ్ లాంటి బ్లాక్ బస్టర్ తర్వాత వస్తున్న సినిమా కావడం. రెండోది ఈ సినిమాలో తారక్ త్రిపాత్రాభినయం చేస్తుండడం. ముఖ్యంగా నెగెటివ్ షేడ్స్ లో తారక్ కనిపించనున్నాడనే వార్త సినిమాపై ఇంట్రెస్ట్ ను డబుల్ చేసింది.
ఎన్టీఆర్ హీరోగా నటిస్తున్న జై లవకుశ ఫస్ట్ లుక్ విడుదలైంది. మొన్నటివరకు ఈ సినిమా ఫస్ట్ లుక్ పై చాలా స్పెక్యులేషన్ నడిచింది. సినిమాలో తారక్ 3 గెటప్స్ లో కనిపించనున్నాడు కాబట్టి.. ఆ మూడు గెటప్స్ లో ఏ గెటప్ తో ఫస్ట్ లుక్ రిలీజ్ చేస్తారా అని అంతా ఎదురుచూశారు. ఎట్టకేలకు ఓ లుక్ తో జై లవకుశ ఫస్ట్ లుక్ వచ్చేసింది. మరి అందులో ఉన్నది ఎవరు..? ఎన్టీఆర్ మూడు గెటప్స్ లో ఏ గెటప్ కు సంబంధించిన లుక్ ఇది.