సినిమాలో సెకెండ్ హీరోయిన్ ను ప్రకటించారు. మరో ఇద్దరు విలన్ పాత్రల్ని పరిచయం చేశారు. 10 భాషల్లో రిలీజ్ చేస్తున్నామని కూడా చెప్పారు. షూటింగ్ 70శాతం పూర్తయిందని కూడా ప్రకటించారు. ఇన్ని విషయాల్ని చెప్పిన రాజమౌళి.. తన సినిమా రిలీజ్ ఎప్పుడనే విషయాన్ని మాత్రం ప్రకటించలేకపోతున్నారు. అవును.. RRR విడుదల తేదీపై యూనిట్ స్పష్టత ఇవ్వడం లేదు.
రాజమౌళి తీస్తున్న RRR షూటింగ్ ఇప్ప‌టికే 70 శాతం పూర్తి చేసుకుంది. ఎన్టీఆర్, రామ్ చరణ్ హీరోలుగా జక్కన్న తీస్తున్న ఈ మూవీ జులై 30, 2020న వస్తుందా అంటే చెప్పలేము. లేటెస్ట్ గా టీం విడుదల చేసిన ప్రెస్ నోట్లోనూ రిలీజ్ డేట్ లేదు. జస్ట్... 2020లో విడుదల అని పేర్కొన్నారు.
