తెలంగాణ ఎన్నికల్లో అధికార తెలంగాణ రాష్ట్ర సమితికే జనసేన అధినేత పవన్ కల్యాణ్ మద్దతు తెలపనున్నారు. ఈ మేరకు ఆయన ఓ నిర్ణయం తీసుకున్నారని తెలుగుసినిమా.కామ్ ఇంతకముందే వార్తను ప్రచురించింది. తాజాగా ఆయన చేసిన ట్వీట్ సారాంశం అదే.
తెలంగాణకి షెడ్యూల్ కన్నా ముందే ఎన్నికలు వచ్చినందున ఈ సారి తమ పార్టీ పోటీ చేయడం లేదని పవన్ కల్యాణ్ ఇంతకుముందే ప్రకటించాడు. ఇక తాజాగా ఆయన తమ పార్టీ అభిమానులు, కార్యకర్తల నుంచి అభిప్రాయాన్ని సేకరిస్తున్నాడు.
డిసెంబర్ 7న తెలంగాణ అసెంబ్లీ ఎన్నికలు జరగనున్నాయి. ఇవి ముందస్తు ఎన్నికలు. ఇంత ముందస్తుగా ఎన్నికలు వస్తాయని ఊహించని జనసేన ఇపుడు పోటీ పడేందుకు తర్జన భర్జన పడుతోంది. ఈ సారి అసెంబ్లీ ఎన్నికల్లో పోటీపడదనేది ఖాయంగా తెలుస్తోంది. ఐతే జనసేన అధినేత పవన్ కల్యాణ్ మాత్రం ఇంకా ఏ నిర్ణయం తీసుకోలేదంటున్నారు. పార్టీలో చర్చించి రెండుమూడు రోజుల్లో నిర్ణయం తీసుకుంటామని తెలిపారు.
ఐతే తమ పార్టీ ప్రధానంగా ఫోకస్ ఏపీపైనే పెడుతుందని స్పష్టం చేశారు. వచ్చే ఏడాది జరిగే ఏపీ అసెంబ్లీ ఎన్నికలకి పూర్తిగా రెడీగా ఉన్నామని అంటున్నారు.
విజయ్ హీరోగా మురుగదాస్ దర్శకత్వంలో వచ్చింది "సర్కార్" సినిమా. రాజకీయాల్లోకి అడుగుపెట్టాలనుకుంటున్న విజయ్ కు తమిళనాట ఈ సినిమా బాగా కలిసొస్తుందనడంలో ఎలాంటి సందేహం లేదు. ఈ సంగతి పక్కనపెడితే, రాజకీయాల్లోకి రాకముందు తెలుగులో పవన్ ఇలాంటి సినిమా చేసి ఉంటే బాగుండేదని అభిప్రాయం మాత్రం అందరి నుంచి వినిపిస్తోంది.
జనసేన పార్టీ అధినేత పవన్ కల్యాణ్ తన తల్లికి తన జనసేన పార్టీ ఆఫీస్ని చూపించారు. హైదరాబాద్లోని మాదాపూర్లో ఉన్న తన పార్టీ ఆఫీస్కి ఆమెని తీసుకెళ్లారు. అంజనా దేవి తన కుమారుడి పార్టీకి 4లక్షల రూపాయల విరాళం ఇచ్చారు. ఆ చెక్కును పవన్కు పార్టీ ఆఫీస్లో అందజేశారు.
తన మాతృమూర్తి నుంచి చెక్ తీసుకున్న వెంటనే ఆమె కాళ్లకు నమస్కరించి ఆశీస్సులు తీసుకున్నారు జనసేనాని.
అంజనాదేవి భర్త కొణిదెల వెంకటరావు పోలీసు అధికారిగా పనిచేశారు. ఆయనకి వచ్చిన పెన్షన్ మొత్తాన్నే జనసేన పార్టీకి విరాళంగా అందచేసినట్లు అంజనాదేవి తెలిపారు.