టైటిల్ చూసి తప్పుగా అనుకోవద్దు. ఎప్పట్నుంచో మనసులో నిక్షిప్తంగా ఉండిపోయిన ఓ చిలిపి కోరికను తన తాజా సినిమాతో శర్వానంద్ తీర్చేసుకున్నాడు. అదేంటో తెలుసా.. ఫారిన్ లొకేషన్ లో సాంగ్ షూటింగ్. అవును.. నమ్మడానికి కాస్త ఆశ్చర్యంగా ఉన్నప్పటికీ ఇది నిజం. మీరు నమ్మి తీరాల్సిందే.

కెరీర్ లో ఇప్పటివరకు చాలా సినిమాలు చేశాడు శర్వానంద్. కానీ అతడి సినిమాలకు సంబంధించి ఏ ఒక్క సాంగ్ ఫారిన్ లొకేషన్ లో షూట్ జరుపుకోలేదు. అందుకే రాధ సినిమా కోసం పట్టుబట్టి మరీ ఫారిన్ వెళ్లాడు శర్వానంద్. అలా తెరకెక్కిందే రాబిట్ పిల్ల సాంగ్. ఈ పాటతో శర్వానంద్ చిలిపి కోరిక తీరిపోయింది.

బాహుబలి-2 విడుదల తర్వాత మరో సినిమా థియేటర్లలోకి వచ్చే సాహసం చేయలేదు. మధ్యలో బాబు బాగా బిజీ సినిమా వచ్చినప్పటికీ.. కంటెంట్ లేకపోవడంతో ఫ్లాప్ అయింది. ఈవారం అదృష్టాన్ని పరీక్షించుకోవడానికి మరో 4 సినిమాలు రిలీజ్ కు రెడీగా ఉన్నాయి. వీటిలో ఒక సినిమాపై మాత్రం కూసింత అంచనాలున్నాయి. రేపు (May 12) రిలీజ్ అవుతున్న సినిమాల్లో ముందుగా చెప్పుకోవాల్సింది రాధ గురించే. వరుస విజయాలతో దూసుకుపోతున్న శర్వానంద్, రేపు రాధగా మనముందుకురాబోతున్నాడు. లావణ్య త్రిపాఠి హీరోయిన గా నటించిన ఈ సినిమాకు చంద్రమోహన్ దర్శకుడు. సినిమా టీజర్, ట్రయిలర్ కు ఇప్పటికే మంచి రెస్పాన్స్ వచ్చింది. మూవీ ఎలా ఉంటుందో చూడాలి.

శ‌ర్వానంద్ తాజా చిత్రం రాధ సెన్సార్ కార్య‌క్ర‌మాలు పూర్తి చేసుకొంది. ఎటువంటి క‌ట్స్ లేకుండా సినిమాకి యూ స‌ర్టిఫికెట్ ద‌క్క‌డం విశేషం.  మే 12న విడుద‌ల కానుంది ఈ మూవీ. 

రన్ రాజా రన్, మళ్ళీ మళ్ళీ ఇదిరాని రోజు, ఎక్స్‌ప్రెస్‌రాజా, శ‌త‌మానం భ‌వ‌తి వంటి వ‌రుస సూప‌ర్‌డూప‌ర్ హిట్ చిత్రాల‌తో దూసుకుపోతోన్న  శర్వానంద్ హీరోగా ప్ర‌ముఖ నిర్మాత బివిఎస్ఎన్ ప్ర‌సాద్ స‌మ‌ర్ప‌ణ‌లో శ్రీ వెంకటేశ్వర సినీ చిత్ర బ్యానర్ చంద్ర‌మోహ‌న్ ద‌ర్శ‌క‌త్వంలో భోగ‌వ‌ల్లి బాపినీడు నిర్మాత‌గా రూపొందించి చిత్రం `రాధ‌`.