ఈ వార‌మే మొద‌ల‌వుతోంది "సైరా" రెగ్యుల‌ర్ షూటింగ్‌. 61 ఏళ్ల మెగాస్టార్ ఈ సినిమా కోసం అన్ని విధాల రెడీ అయ్యారు. పాత్ర‌కి కావాల్సిన రీతిలో గ‌డ్డం ఫుల్లుగా పెంచారు. ఫిట్‌నెస్ కోసం ప్ర‌త్యేక‌మైన ట్ర‌యినింగ్ తీసుకొని బాడీని సంసిద్ధం చేశారు మెగాస్టార్‌. పైన క‌నుప‌డుతున్న ఫోటోలో ఉన్న‌ట్లే క‌నిపిస్తార‌ట‌ సైరాలో. కాక‌పోతే నెత్తిన పాగా, కొంత మేక‌ప్‌తో కూడిన గెట‌ప్ ఉంటుంది.

మెగాస్టార్‌ చిరంజీవి ఇంట్లో చోరీ  జరిగింది. ఇంట్లో ఉన్న రెండు ల‌క్ష‌ల రూపాయ‌ల న‌గ‌దు దొంగ‌త‌నం జ‌రిగింద‌ని చిరంజీవి మేనేజ‌ర్ గంగాధ‌ర్ ఈ రోజు జూబ్లీహిల్స్ పోలీసు స్టేష‌న్‌లో ఫిర్యాదు చేశారు.

దర్యాప్తులో భాగంగా చిరంజీవి ఇంట్లో ప‌ని చేస్తున్న చెన్నయ్యను పోలీసులు అదుపులోకి తీసుకున్నారు. చిరు ఇంట్లో చెన్నయ్య కొంతకాలంగా పనిచేస్తున్నాడు. ఇంటి సమీపంలోని సీసీ ఫుటేజ్‌లను కూడా పోలీసులు పరిశీలిస్తున్నారు.