బాలయ్య కవితా పరంపర గురించి చాలామందికి తెలిసిందే. అరవింద సమేత ఫంక్షన్ లో పూజా హెగ్డేను పొగుడుతూ బాలయ్య ఓ కవిత అందుకుంటే ఆడిటోరియం చప్పట్లో మారుమోగిపోయింది. ఇప్పుడు బాలయ్యకు పోటీగా నాగబాబు కూడా కవితలతో రెడీ అయ్యారు. తమకు కూడా కవితలు వచ్చంటూ ఒకటి వదిలారు. అయితే ఇది బాలయ్యను పొగిడే కవిత కాదు, ఎన్టీఆర్ బయోపిక్ పై సెటైర్లు వేస్తూ రాసిన కవిత.
కట్టుకథలు కొన్ని
కల్పనలు ఇంకొన్ని
చుట్టనేల.. మూట కట్టనేల
నిజం కక్కలేని బయోపిక్కులొద్దయా
విశ్వదాభి రామ
వినరా మామ
ఎన్టీఆర్ బయోపిక్లో ఏముంటుంది, ఎన్టీఆర్ జీవిత చరిత్రే కదా! అని చాలా మంది నిర్లిప్తంగా అంటున్నారు. ఎన్టీఆర్ రాజకీయ జీవితంలోనే అసలైన డ్రామా ఉంది కాబట్టి ఫస్ట్ పార్ట్లో మజా ఏముంటుందనే కామెంట్స్ కూడా వినిపిస్తున్నాయి. ఐతే దర్శకుడు క్రిష్ మాత్రం ఎవరూ ఊహించని కోణాన్ని పట్టుకున్నాడనేది టాక్.
ఎన్టీఆర్ పర్సనల్ లైఫ్లోనూ, ఆయన కెరియర్లోనూ ఇంత నాటకీయత ఉందా అని ఆశ్చర్యపడేలా సీన్లను రూపొందించాడట. అసలు క్రిష్ కథ మొదలుపెట్టి, మొదటి భాగం ఎండ్ చేసిన విధానంలోనూ ఎంతో ఎమోషన ఉందట. సినిమాకి సెంటిమెంట్ సీన్లు హైలెట్ అవుతాయని అంటున్నారు.
