ముద్దొచ్చిన‌పుడే (త‌న‌ని) చంక‌నెత్తుకోవాలి అనుకుంటాడు ద‌ర్శ‌కుడు రాంగోపాల్ వ‌ర్మ‌. అలా జ‌ర‌గ‌క‌పోతే ఆయ‌న‌కి తిక్క‌రేగుతుంది. ఆ త‌ర్వాత ..అంతే సంగ‌తులు. మొన్న‌టి వ‌ర‌కు బాల‌య్య‌ని తెగ పొగిడాడు వ‌ర్మ‌. ఇపుడు బాల‌య్య‌కి, ఆయ‌న‌కి ప‌డ‌ట్లేదు. దానికి కార‌ణం ఏంటంటే.. ఎన్టీఆర్ బ‌యోపిక్‌ని తీసే అవ‌కాశం వ‌ర్మ‌కి ఇవ్వ‌డం లేదు నంద‌మూరి బాల‌య్య‌.

సీనియర్ ఎన్టీఆర్ జీవిత చరిత్రను సినిమాగా తీస్తానని రామ్ గోపాల్ వర్మ ప్రకటించినప్పటి నుంచి నందమూరి అభిమానుల గుండెలు కొట్టుకుంటున్నాయి. దీనికి తోడు ఈ బయోపిక్ లో స్వయంగా తమ నటసింహం బాలయ్య బాబు నటిస్తాడంటూ వార్తలు రావడంతో అభిమానుల గుండెల్లో రైళ్లు పరుగెడుతున్నాయి. వీళ్ల భయానికి ఒకే ఒక్క కారణం వర్మ.

ఎన్టీఆర్ జీవితాన్ని వెండితెరపైకి తీసుకొస్తానని ప్రకటించాడు దర్శకుడు రామ్ గోపాల్ వర్మ. ఎన్టీఆర్ శత్రువులెవరో, నమ్మక ద్రోహులెవరో, కాంట్రవర్సీల వెనకున్న‌ అసలు మేట‌రేంటో.. ఇలా అన్నీ అశేష తెలుగు ప్రజానీకానికి చూపిస్తాననని తనదైన‌ స్టయిల్ లో చెబుతున్నాడు వ‌ర్మ‌. కానీ వర్మకు అంత దమ్ముందా అనేదే ఇక్కడ మెయిన్ టాపిక్.