పవన్ కల్యాణ్ యూరోప్ నుంచి వచ్చి రాగానే తన జనసేన పార్టీ నేతలతో కలిసి ముచ్చటించారు. లండన్లో గ్లోబల్ ఎక్స్లెన్స్ అవార్డు అందుకోవడం, అక్కడ ప్రముఖులు తన ఆలోచనలను, సైద్దాంతికతకి మద్దతు తెలపడం గురించి జనసేనాని వారికి వివరించారు. ప్రస్తుతం జనసేన పార్టీపై పూర్తిగా ఫోకస్ నిలిపారు పవన్ కల్యాణ్. త్రివిక్రమ్ సినిమా షూటింగ్ మొత్తం పూర్తికాగానే పవన్ జనసేనకి సంబంధించిన కార్యక్రమాలు మొదలుపెడుతారు.
మహేష్ మూవీకి సంబంధించి రేపట్నుంచి (May 13) ఫినిషింగ్ టచ్ ప్రారంభం కాబోతోంది. అవును.. స్పైడర్ సినిమా ఫైనల్ షెడ్యూల్ రేపట్నుంచి హైదరాబాద్ లో ప్రారంభం అవుతుంది. ఇది ఎన్ని రోజులు ఉంటుందనే విషయంపై యూనిట్ లో ఒక్కొక్కరు ఒక్కో విధంగా రెస్పాండ్ అవుతున్నారు. మహేష్ పై తీయాల్సిన సన్నివేశాలు చాలానే ఉన్నాయని కొందరు అంటుంటే.. ఈ నెలాఖరు వరకు షూటింగ్ ఉండొచ్చని మరికొందరు అంటున్నారు. మహేష్-రకుల్ పై ఓ సాంగ్ ఇంకా బ్యాలెన్స్ ఉందని కూడా అంటున్నారు.
ఎన్టీఆర్ ప్రస్తుతం ఓ పాడుబడిన బంగ్లాలో ఉన్నాడు. అతడు తలుచుకుంటే ఏకంగా తన ఇంట్లోనే ఉండొచ్చు. అది కూడా వద్దనుకుంటే స్టార్ హోటల్లో బస చేయొచ్చు. కానీ ఎన్టీఆర్ హైదరాబాద్ లోని ఓ పాత బంగ్లాలో ఉండడానికి కారణం జై లవకుశ సినిమా. అవును.. హైదరాబాద్ లోని ఓ పాడుబడ్డ బంగ్లాలో జై లవకుశ షూటింగ్ జరుగుతోంది. ఈరోజు నుంచి ఈ మూవీ షెడ్యూల్ ప్రారంభమైంది.