ఈ సారి తెలంగాణ ఎన్నిక‌ల బ‌రిలో కొంత‌మంది సినిమా వాళ్లు నిలవ‌నున్నారు. టీఆర్ ఎస్‌ని వీడి బాబూమోహ‌న్ బీజేపీలో చేరాడు. ఈ తాజా మాజీ ఎమ్మెల్యే త‌దుప‌రి ఎక్క‌డి నుంచి పోటీ చేస్తాడో చూడాలి. ఇక తెలుగుదేశం పార్టీ త‌ర‌ఫున పోటీ చేసేందుకు ఇద్ద‌రు ముగ్గురు సినిమా వాళ్లు ఉవ్విళూరుతున్నారు. అందులో సీటు దాదాపుగా క‌న్‌ఫ‌మ్ అయిన వ్య‌క్తి... నిర్మాత వి.ఆనంద ప్ర‌సాద్‌. ఆయ‌న శేరిలింగంప‌ల్లి (హైద‌రాబాద్‌) నియోజ‌కవ‌ర్గం నుంచి పోటీ చేయ‌డం ప‌క్కా అని తెలుస్తోంది.

క‌ల‌ర్స్ స్వాతి పెళ్ల‌యింది. మ‌రి మీడియాలో హంగామా, ఒక సెల‌బ్రిటీ పెళ్లికుండే క‌వ‌రేజ్ రాలేదేంటి? ఎందుకంటే ఆమె పెళ్లి చాలా సింపుల్‌గా, సెల‌బ్రిటీ కాని సాధార‌ణ అమ్మాయి వివాహ వేడుక‌లానే జ‌రిగింది. మీడియాని ఆహ్వానించ‌లేదు. సెల‌బ్రిటీల‌నెవ్వ‌రినీ పిల‌వ‌లేదు. కేవ‌లం కుటుంబ స‌భ్యులు, బంధుమిత్రుల స‌మ‌క్షంలో పెళ్లి వేడుక జ‌రిగింది.

ప్రియా వారియ‌ర్ గుర్తుందా? కొన్ని నెల‌ల క్రితం ఈ కేర‌ళ కుట్టి పేరు దేశ‌మంతా మార్మోగింది. ఒక మ‌ల‌యాళ సినిమాకి సంబంధించిన పాట‌లో హీరోకి క‌న్నుగీటిన ఒక సీన్‌.. సోష‌ల్ మీడియాలో వైర‌ల్ అయింది. ఓవ‌ర్‌నైట్ ఆమె గురించి దేశ‌మంతా మాట్లాడుకొంది. నాలుగు నెల‌ల త‌ర్వాత అంద‌రూ ఆమె గురించి మర్చిపోయారు. ఆ సినిమా ఏమైందో కూడా ఎవ‌రికీ తెలియ‌దు.

శ్ర‌ద్దాక‌పూర్ మ‌ళ్లీ హైద‌రాబాద్‌కి వ‌చ్చింది. కొంత గ్యాప్ త‌ర్వాత "సాహో" షూటింగ్‌లో పాల్గొంటోంది. రీసెంట్‌గా దుబాయ్‌, అబుధాబిలో యాక్ష‌న్ సీన్లు తీసిన‌పుడు శ్ర‌ద్ద షూటింగ్‌లో పాల్గొన‌లేదు. ఆమెకి సంబంధించిన కీల‌కమైన సీన్లు ఇపుడు హైద‌రాబాద్‌లో వేసిన సెట్‌లో తీస్తున్నారు.

ప్ర‌ముఖ న‌టి, త‌ల్లి పాత్ర‌ల‌కి పేరొందిన అన్న‌పూర్ణమ్మ‌ కూతురు ఇంట్లో తీవ్ర విషాదం చోటుచేసుకుంది. అన్నపూర్ణ కూతురు కీర్తి ఆత్మహత్య చేసుకున్నారు. మాన‌సిక స‌మ‌స్య‌ల కార‌ణంగానే ఫ్యాన్‌కు ఉరివేసుకుని ఆమె బలవన్మరణానికి పాల్పడ్డారని అన్న‌పూర్ణ తెలిపారు. హైద‌రాబాద్‌లోని బంజారాహిల్స్‌లో నివాసం ఉంటున్న కీర్తి పాప‌కి మాట‌లు రావ‌డం లేద‌ట‌.

"గత కొద్ది రోజులు గా పాప కి స్పీచ్ థెరపీ ఇప్పిస్తున్నాం.పాపకు ఇక మాటలు రావకొని కొద్ది రోజులుగా డిప్రెష‌న్‌లోకి వెళ్ళింది కీర్తి. ఆ డిప్రెష‌నే ఆత్మ‌హ‌త్య‌కి కార‌ణ‌మ‌,"ని అన్న‌పూర్ణ పోలీసుల‌కి తెలిపారు.