2019: చీకటి గదిలో కాసుల వేట!

2019లో ఏకంగా 183 స్ట్రయిట్ సినిమాలు, 72 డబ్బింగ్ సినిమాలు రిలీజ్ అయ్యాయి. వీటిలో అన్ని రకాల జానర్స్ ఉన్నాయి. అయితే ఈసారి అడల్ట్ సినిమాల తాకిడి కూడా పెరిగింది. సెన్సార్ నిబంధనలు అనధికారికంగా కాస్త సడలించడంతో, ఈ తరహా సినిమాలు తీయడానికి ఎవ్వరూ వెనకాడ్డం లేదు. అలా 2019లో అటుఇటుగా ఓ పాతిక వరకు అడల్ట్ కంటెంట్ కోటింగ్ మూవీస్ వచ్చాయి. అయితే వాటిలో ది బెస్ట్ తీస్తే ఓ 10 సినిమాలు మిగుల్తాయి. ఆ టాప్-10లో నంబర్ వన్ స్థానం మాత్రం ఏడుచేపల కథ సినిమాదే.

ఏడు చేపల కథ సినిమాతో అభిషేక్ రెడ్డి కాస్తా టెంప్ట్ రవిగా మారిపోయాడు. ఇతడ్ని ఇప్పుడు టెంప్ట్ రవి అంటేనే ఎక్కువమంది గుర్తుపడతారు. అంతలా ఈ సినిమా పాపులర్ అయింది. దీనికి సెన్సార్ రాకపోతే చాలా కష్టపడి సెన్సార్ తెచ్చుకొని మరీ రిలీజ్ చేశారు. సి-సెంటర్లలో ఈ సినిమా మోస్ట్ ప్రాఫిటబుల్ వెంచర్ అనిపించుకుంది.

ఇక టాప్-10 అడల్ట్ మూవీ లిస్ట్ లో రెండో స్థానంలో నిలుస్తుంది చీకటిగదిలో చితక్కొట్టుడు. ఈ సినిమా కూడా ట్రయిలర్ తోనే పిచ్చెక్కించింది. ట్రయిలర్ తో పోలిస్తే, సినిమాలో కంటెంట్ కాస్త తక్కువగా ఉన్నప్పటికీ.. కొన్ని రసిక హృదయాలు మాత్రం ఈ సినిమాను బాగానే ఎంజాయ్ చేశాయి. ఆ మేరకు పైసా వసూల్ అనిపించుకుంది ఈ సినిమా.

ఇక లిస్ట్ లో మూడో స్థానంలో పాయల్ రాజ్ పుత్ నటించిన ఆర్డీఎక్స్ లవ్ నిలిచింది. కేవలం పాయల్ అందాలు, ఆ లిప్ కిస్సులు చూసేందుకే ఈ సినిమా కోసం కుర్రాళ్లు ఎగబడ్డారు. ఆ మేరకు వాళ్లను పాయల్ సంతృప్తిపరిచిందనే చెప్పాలి. కేవలం ఈ అడల్ట్ కంటెంట్ కారణంగానే ఈ మూవీకి ఓపెనింగ్స్ బాగా వచ్చాయి. వీటితో పాటు రాయలసీమ లవ్ స్టోరీ, అగ్లీ, నేను లేను లాంటి సినిమాలు కూడా అడల్ట్ కంటెంట్ తో వచ్చి, కొందర్ని బాగానే కట్టిపడేశాయి

2019 టాప్-10 అడల్ట్ మూవీస్
1. ఏడు చేపల కథ
2. చీకటి గదిలో చితక్కొట్టుడు
3. ఆర్డీఎక్స్ లవ్
4. రాయలసీమ లవ్ స్టోరీ
5. అగ్లీ
6. రొమాంటిక్ క్రిమినల్స్
7. నేను లేను
8. 4 లెటర్స్
9. కొత్తగా మా ప్రయాణం
10. మాగ్నెట్