నాన్నమ్మతో కలిసి వెన్న చిలికిన చెర్రీ

లాక్ డౌన్ టైమ్ లో హీరోలంతా సరదాగా కాలం గడిపేస్తున్నారు. మహేష్ అయితే పొద్దున్న లేచిన దగ్గర్నుంచి పిల్లలతోనే గడిపేస్తున్నాడు. ఇక రామ్ చరణ్ భార్యకు డిన్నర్ చేసి పెట్టడం, కుటుంబ సభ్యులందరితో కలిసుండడం, వాళ్లకు సహాయం చేయడం చేస్తున్నాడు. ఈ క్రమంలో వెన్న ఎలా తయారుచేస్తారో తెలుసుకున్నాడు చరణ్.

తల్లి సురేఖ, నాన్నమ్మ అంజనాదేవి వెన్న చిలుకుతుంటే చరణ్ కూడా మధ్యలో దూరాడు. వెన్న ఎలా తయారుచేయాలో నేర్చుకున్నాడు. ఈ సందర్భంగా పక్కనే ఉన్న నాన్నమ్మ, కృష్ణుడిలా ఉన్నావంటూ చరణ్ ను చూసి మురిసిపోయింది. ప్రస్తుతం ఈ వీడియో సోషల్ మీడియాలో వైరల్ అవుతోంది.

Learning to make fresh butter before buttering them #GrandmaRecipes #MomBoss pic.twitter.com/syQS4pOEy9

— Ram Charan (@AlwaysRamCharan) May 1, 2020

నిజానికి చరణ్ సోషల్ మీడియాలో అంత యాక్టివ్ కాదు. అవసరం మేరకు మాత్రమే రియాక్ట్ అవుతాడు. దీనికి పూర్తి భిన్నంగా చిరంజీవి మాత్రం ఓ రేంజ్ లో యాక్టివ్ అయ్యారు. రోజుకో పోస్టుతో అదరగొడుతున్నారు. ఈ లాక్ డౌన్ టైమ్ లో చరణ్ కూడా తండ్రి బాటలోకి వచ్చినట్టున్నాడు. సరదా సరదా పోస్టులు పెడుతూ అందర్నీ ఎట్రాక్ట్ చేస్తున్నాడు.