కాజల్ స్థానం తమన్నా కొట్టేసిందా?

రియల్ లైఫ్ లో వీళ్లిద్దరూ బెస్ట్ ఫ్రెండ్స్. కెరీర్ పరంగా కూడా ఇద్దరి మధ్య ఎలాంటి పోటీ లేకుండా చూసుకుంటారు. వీకెండ్స్ వచ్చాయంటే, టైమ్ చిక్కితే కలిసి పార్టీ చేసుకోవడానికి ఇంట్రెస్ట్ చూపిస్తారు. అలాంటి వీళ్లిద్దరి మధ్య ఓ సినిమా చిచ్చుపెట్టిందట. కాజల్ స్థానంలో తమన్నను తీసుకున్నారట. కొన్ని బాలీవుడ్ సైట్స్ ఈ విషయాన్ని ప్రముఖంగా చెప్పుకొచ్చాయి.

హిందీలో ఓ సినిమా చేస్తోంది కాజల్. సంజయ్ గుప్తా దర్శకత్వంలో జాన్ అబ్రహాం, ఇమ్రాన్ హస్మి హీరోలుగా వస్తున్న ఆ సినిమా పేరు ముంబయి సాగ. ఈ సినిమా నుంచి కాజల్ ను తప్పించారంటూ కొన్ని ముంబయి సైట్లు కథనాలు రాసుకొచ్చాయి. ఆమె స్థానంలో తమన్నను తీసుకున్నారంటూ పుకార్లు అల్లాయి. బహుశా వాళ్లకు తెలియదనుకుంటా, కాజల్-తమన్న బెస్ట్ ఫ్రెండ్స్ అనే విషయం.

ఈ పుకార్లపై స్వయంగా ఆ సినిమా దర్శకుడు సంజయ్ గుప్తా రియాక్ట్ అయ్యాడు. ఆల్రెడీ కాజల్ తో ఓ షెడ్యూల్ కూడా పూర్తిచేశామని, ఆమె లాంటి ప్రొఫెషనల్ నటిని చూడలేదంటూ ట్వీటాడు. దీనికి కాజల్ కూడా రీట్వీట్ కొట్టింది. దీంతో ఈ పుకార్లు ఇక్కడితో ఆగిపోయాయి.