ఈ మైండ్ సేట్టే సమస్య: నిధి

ప్రియాంక హత్యకు నిధి అగర్వాల్ కు ఏంటి సంబంధం?
 
వెటర్నరీ డాక్టర్ ప్రియాంక రెడ్డి హత్యకేసు యావత్ దేశాన్ని కుదిపేస్తోంది. ఈ కేసు విషయంలో ప్రజలంతా ఒక్కటయ్యారు. నిందితుల్ని కఠినంగా శిక్షించాలని డిమాండ్ చేస్తున్నారు. ఈ మొత్తం వ్యవహారంలో ఊహించని విధంగా బుక్ అయింది నిధి అగర్వాల్.

ఓవైపు ప్రియాంక రెడ్డి వ్యవహారం సోషల్ మీడియాలో జోరుగా నడుసున్న వేళ.. ఓ హాట్ ఫొటో పెట్టింది నిధి అగర్వాల్. దీనిపై ఓ ఆకతాయి కాస్త అసహ్యంగా స్పందించాడు. ఇలాంటి హాట్ ఫొటోలు పెట్టడం వల్లనే యువత రేప్ లకు పాల్పడుతున్నారని, హాట్ ఫొటోలు షేర్ చేసేముందు ఒకసారి ఆలోచించాలంటూ పోస్ట్ పెట్టాడు.

దీంతో నిధి అగర్వాల్ కు కాలింది. సదరు నెటిజన్ సరదాగా ఆ పోస్ట్ పెట్టినప్పటికీ నిధి మాత్రం సీరియస్ అయింది. ఈ వ్యక్తి ఆలోచనలు భయంకరంగా ఉన్నాయన్న నిధి.. అతడి అడ్రెస్ తనకు చెప్పాలని, పింక్ సినిమాను అతడికి పంపిస్తానని చెప్పుకొచ్చింది. ఆ సినిమాను తప్పకుండా ఈ వ్యక్తి చూడాలని రివర్స్ లో ఘాటుగా సమాధానమిచ్చింది.

Appalled at the catastrophic thinking of this individual. Naresh please send me your address, will send you this movie called Pink. You need it. https://t.co/bmKNdDg0zi

— Nidhhi Agerwal (@AgerwalNidhhi) November 30, 2019