ఆన్ లైన్లో మ్యూజిక్ సిట్టింగ్స్

కరోనా కారణంగా సినీజనాలంతా ఇళ్లకే పరిమితమైపోయారు. అయితే కొంతమంది మాత్రం ఖాళీగా ఉండడం లేదు. టెక్నాలజీని వాడి మరీ తమ సినిమా కోసం పనిచేస్తున్నారు. ప్రస్తుతం "18 పేజెస్" అనే సినిమా యూనిట్ ఇలానే పనిచేస్తోంది. ఏప్రిల్ ఫస్ట్ వీక్ నుంచి ఈ సినిమా రెగ్యులర్ షూట్ ప్రారంభం కావాలి. కానీ కరోనా కారణంగా ఆ షూటింగ్ నిరవథికంగా వాయిదా పడింది.

ఈ గ్యాప్ లో దర్శకుడు సూర్యప్రతాప్, సంగీత దర్శకుడు గోపీసుందర్ మ్యూజిక్ సిట్టింగ్స్ ప్రారంభించారు. అయితే వీళ్లిద్దరూ కలుసుకోలేదు. టెక్నాలజీ సాయంతో ఆన్ లైన్ లోనే వీళ్లు మ్యూజిక్ సిట్టింగ్స్ జరుపుతున్నారు. అలా "18 పేజెస్" సినిమా కోసం గోపీసుందర్ 2 పాటలు ఫైనలైజ్ చేశాడు.

"శైలజారెడ్డి అల్లుడు" టైమ్ లో కేరళలో వచ్చిన వరదల్లో చిక్కుకున్నాడు గోపీసుందర్. దీంతో సకాలంలో రీరికార్డింగ్ పూర్తికాక ఆ సినిమా ఓసారి వాయిదాపడింది. అయితే ఈసారి మాత్రం అలాంటి సమస్యల్లేవు. హైదరాబాద్ లోనే గోపీసుందర్ సొంతంగా స్టుడియో పెట్టుకున్నాడు. దీంతో అతడికిప్పుడు మరిన్ని అవకాశాలొస్తున్నాయి. ఇక "18 పేజెస్" విషయానికొస్తే.. గీతాఆర్ట్స్ 2, సుకుమార్ రైటింగ్స్ బ్యానర్లపై ప్రారంభమైన ఈ సినిమాలో నిఖిల్ హీరో. ఉప్పెన సినిమాలో నటిస్తున్న కృతిషెట్టిని  హీరోయిన్ గా తీసుకోవాలనుకుంటున్నారు