ఉత్తరాది నుంచి వచ్చిన ముద్దుగుమ్మలందరికీ బాలీవుడ్ అనేది ఓ డ్రీమ్. టాలీవుడ్ లో వాళ్లు సినిమాలు చేస్తున్నప్పటికీ.. బాగా క్రేజ్-డబ్బు సంపాదిస్తున్నప్పటికీ వాళ్ల చూపు ఎప్పుడూ హిందీ సినిమాలవైపే ఉంటుంది. సౌత్ లో స్టార్ హీరోలు ఆఫర్లు ఇచ్చినా వీళ్లకు తృప్తి ఉండదు.. బాలీవుడ్ లో ఓ చిన్న సి-గ్రేడ్ సినిమాలోనైనా నటించేయాలి. అదీ వీళ్ల టార్గెట్.

ఇలా దూరపు కొండలు చూసి నునుపు అనుకునే హీరోయిన్లకు గట్టిగా కౌంటర్ ఇచ్చింది పాయల్ ఘోష్. ఊసరవెల్లి, ప్రయాణం లాంటి సినిమాలతో గుర్తింపు తెచ్చుకున్న ఈ ముద్దుగుమ్మ.. బాలీవుడ్ అసలు రంగును బయటపెడుతూనే, టాలీవుడ్ ఎంత గొప్పదో చెబుతోంది.

సౌత్ లో హీరోయిన్లకు గుళ్లు కడతారని, అదే బాలీవుడ్ లోనైతే చచ్చిపోయేంత వరకు అవమానిస్తూనే ఉంటారని ఆరోపిస్తోంది పాయల్. బాలీవుడ్ కోసం టాలీవుడ్ ఆఫర్లు వదులుకొని చాలా పెద్ద తప్పు చేశానని, ఇకపై ఎవ్వరూ ఆ తప్పు చేయొద్దని అంటోంది. మరీ ముఖ్యంగా సౌత్ హీరోయిన్లంతే బాలీవుడ్ జనాలకు చాలా చులకన భావం ఉందని, సౌత్ హీరోయిన్లు దేనికైనా ఓకే అంటారనే భావన బాలీవుడ్ లో బాగా ఉందని చెబుతోంది.

బాలీవుడ్ ఆఫర్ల కోసం వెంపర్లాడే హీరోయిన్లు ఈ విషయాన్ని కాస్త తెలుసుకుంటే మంచిది.

Also Read: Payal Ghosh Gallery