ఆమె కాళ్ళ కోసం సీన్లే మార్చేసాడట

సినిమా డైలాగులు కాస్త అతిగా ఉంటే.. ఎవరీ రచయిత ప్రాసల కోసం పాకులాడినట్టున్నాడు అంటుంటారు. కానీ అల వైకుంఠపురములో సినిమా కోసం త్రివిక్రమ్ కాళ్ల కోసం పాకులాడినట్టు అనిపిస్తుంది. సూపర్ హిట్ అయిన సామజవరగమన.. పాట కోసమే దర్శక-రచయిత త్రివిక్రమ్ హీరోయిన్ కాళ్లపై సీన్ తీసినట్టు తెలుస్తోంది. నీ కాళ్లను పట్టుకు వదలనన్నవి.. అంటూ సాగే పల్లవి కోసం ఏకంగా హీరోయిన్ ఎంట్రీ సీన్ నే మార్చేసుకున్నారట.

ఈ సినిమాలో ఫ్యామిలీ ఆడియన్స్ కాస్తయినా ఇబ్బంది పడ్డారు అంటే అది ఒక్క హీరోయిన్ ఇంట్రడక్షన్ సీన్ లోనే. హీరోయిన్ పొట్టి గౌను, కోటు వేసుకుని లిఫ్ట్ లోకి ఎంట్రీ ఇస్తుంటే.. మన హీరో చూపులన్నీ ఆమె తొడలపైనే ఉంటాయి. ఆ తర్వాత కూడా కాసేపు ఆ చూపుల సీన్ కంటిన్యూ అవుతుంది. హీరో హీరోయిన్ కాళ్లను అలా ఆరాధిస్తున్నాడంటూ ఆడియన్స్ అర్థం చేసుకున్నాక హీరో సామజవరగమన పాట అందుకుంటాడు.

ఆ పాట లిరిక్స్ ని జస్టిఫై చేసేందుకే హీరోయిన్ ఇంట్రడక్షన్ సీన్ మార్చేశాడట త్రివిక్రమ్. అప్పటికే పూజా హెగ్డే పరిచయ సన్నివేశం పూర్తయినా.. పాట సూపర్ హిట్ కావడంతో దాన్ని మార్చక తప్పలేదు, హీరోని కాళ్ల ఆరాధకుడిగా చిత్రీకరించక తప్పలేదు. మొత్తమ్మీద ఆ కాసేపు హీరో కాళ్ల ఫోబియా వచ్చినట్టు, చూపుల్ని అక్కడే లాక్ చేసుకుని ఉండిపోతాడు.

అది మినహా సినిమా అంతా క్లీన్ గా ఉందనడంలో రెండో మాటే లేదు. మొత్తమ్మీద త్రివిక్రమ్ కూడా ఇలా ఓ పాట కోసం... సన్నివేశాన్ని చిత్రీకరించడానికి కాళ్ల దగ్గరే ఆగిపోయాడన్నమాట.