రాజావారు రాణిగారు బావున్నారుగా!

టీజ‌ర్‌, ట్ర‌యిల‌ర్స్‌తో ఆక‌ట్టుకుంటే చాలు.. చిన్న చిత్రాల‌కైనా మంచి ఓపెనింగ్స్ వ‌స్తున్నాయి. "బ్రోచేవారెవురురా", "ఏజెంట్ సాయి శ్రీనివాస్ ఆత్రేయ‌" వంటి సినిమాల విజ‌యాలు ప్రూవ్ చేశాయి. అదే స్ఫూర్తితో మ‌రో చిన్న చిత్రం కొత్త‌గా త‌న టీజ‌ర్‌ని క‌ట్ చేసింది. ఈ సినిమా పేరు "రాజావారు రాణిగారు". ర‌వికిర‌ణ్ ద‌ర్శ‌కత్వంలో రూపొందుతున్న ఈ చిత్రంలోకిర‌ణ్ అబ్బావ‌ర‌మ్‌, ర‌హ‌స్య‌గోర‌క్ హీరోహీరోయిన్లుగా న‌టిస్తున్నారు. ఈ చిత్ర టీజ‌ర్ సోమ‌వారం విడుద‌లైంది. 

బుర్ర‌క‌థ చెప్పిన‌ట్లుగా హీరో, హీరోయిన్‌, వారి ఫ్రెండ్స్‌ని ప‌రిచ‌యం చేసింది ఈ టీజ‌ర్‌. 

"ఇదొక మంచి ఫ్యామిలీ ఎంట‌ర్‌టైన‌ర్‌. డైరెక్ట‌ర్ ర‌వి కూడా ఈ సినిమా కోసం చాలా క‌ష్ట‌ప‌డ్డా,"రన్నారు నిర్మాత మ‌నోవికాస్‌. "నా పేరు ర‌హ‌స్య‌. సినిమా చాలా బావుంటుంది. మీ అంద‌రికీ త‌ప్ప‌కుండా న‌చ్చుతుందం"టోంది హీరోయిన్‌.

మీ అంద‌రికీ టీజ‌ర్ బాగా న‌చ్చింది అనుకుంటున్నాను. ఈ మూవీ మీ అంద‌రికి ఒక ఫ్రెష్ అనుభ‌వాన్ని ఇస్తుంది అని అన్నారు ద‌ర్శ‌కుడు ర‌వి .

హీరో మాట్లాడుతూ... "ఇంత‌కు ముందు నేను రెండు వెబ్‌సిరీస్‌లో చేశాను. అప్పుడు కొంచం టెన్స‌ణ్ ఉండేది కాని ఇప్పుడు అది లేదు. మాకు ఇంత మంచి స‌పోర్ట్ ఇస్తున్న ప్ర‌తి ఒక్క‌రికీ చాలా థ్యాంక్స్‌. ఈ సినిమా రెండు, మూడు నెల‌ల్లో విడుద‌ల‌వుతుంది."