బిగ్ బాస్ హౌజ్ లోకి రకుల్

సినిమాల కోసం బిగ్ బాస్ హౌజ్ ను వాడుకోవడం కొత్తకాదు. గడిచిన రెండు సీజన్లలో ఎంతోమంది టాలీవుడ్ హీరోలు, దర్శకుడు తమ సినిమా ప్రమోషన్ కోసం బిగ్ బాస్ హౌజ్ ను వాడుకున్నారు. మరి సీజన్-3లో ఆ పని చేసే మొదటి హీరో ఎవరు? ఇంకెవరు స్వయంగా బిగ్ బాసే తన హౌజ్ ను తన సినిమా కోసం వాడుకోబోతున్నాడు.

అవును.. త్వరలోనే థియేటర్లలోకి రాబోతున్న మన్మథుడు-2 సినిమా కోసం బిగ్ బాస్ సీజన్-3ను ప్రచారం కోసం వాడుకోబోతున్నాడు నాగ్. ఇందులో భాగంగా తన హీరోయిన్ రకుల్ ను హౌజ్ లోకి పంపించబోతున్నాడు. ఈ మేరకు అంతా కలిసి ఓ మాట అనుకున్నారు. డేట్ మాత్రం ఫిక్స్ చేయాల్సి ఉంది. రకుల్ కనుక హౌజ్ లోకి ఎంటరైతే.. బిగ్ బాస్ సీజన్-3ని ప్రమోషన్ కోసం వాడుకున్న మొదటి సినిమాగా మన్మథుడు-2 నిలుస్తుంది.

బిగ్ బాసులు ఇలా హౌజ్ ను వాడుకోవడం కొత్తేంకాదు. సీజన్-1కు బిగ్ బాస్ గా వ్యవహరించిన ఎన్టీఆర్, జై లవకుశ సినిమా కోసం బిగ్ బాస్ హౌజ్ ను వాడుకున్నాడు. సీజన్-2కు బిగ్ బాస్ గా చేసిన నాని కూడా దేవదాస్ కోసం హౌజ్ ను ఉపయోగించుకున్నాడు. ఇప్పుడు నాగార్జున కూడా అదే పని చేస్తున్నాడు. ఆగస్ట్ 9న ఈ సినిమా వరల్డ్ వైడ్ థియేటర్లలోకి రాబోతోంది.