నితిన్ కు పాఠాలు చెబుతున్న రష్మిక

ప్రస్తుతం "డియర్ కామ్రేడ్" సినిమా ప్రమోషన్ లో బిజీగా ఉంది రష్మిక. ఇలా ప్రచారం సాగిస్తూనే, మరోవైపు నితిన్ కు ప్రైవేటు క్లాసులు తీసుకుంటోంది. నిజమే.. ప్రస్తుతం నితిన్ కు ట్యూషన్ చెప్పే పనిలో బిజీగా ఉంది ఈ కన్నడ కస్తూరి. అయితే ఇది కూడా సినిమాలో భాగమే.

ప్రస్తుతం నితిన్-రష్మిక కలిసి భీష్మ అనే సినిమా చేస్తున్నారు. వెంకీ కుడుముల దర్శకత్వంలో తెరకెక్కుతున్న ఈ సినిమాలో నితిన్ కు పాఠాలు చెప్పే టీజర్ గా రష్మిక కనిపించబోతోంది. అయితే అది కొద్దిసేపు మాత్రమే. సినిమాలో ఆ ఎపిసోడ్ ఎందుకుంది, అసలు రష్మిక క్యారెక్టర్ ఏంటనేది ప్రస్తుతానికి సస్పెన్స్. నితిన్ మాత్రం అమ్మాయిలకు దూరంగా ఉండే టైపు పాత్ర పోషిస్తున్నట్టు టాక్.

సితార ఎంటర్ టైన్ మెంట్స్ బ్యానర్ పై వస్తున్న ఈ సినిమాపై నితిన్ చాలా హోప్స్ పెట్టుకున్నాడు. "లై", "ఛల్ మోహన్ రంగ", "శ్రీనివాసకల్యాణం".. ఇలా వరుసగా 3 ఫ్లాపులు రావడంతో భారీ గ్యాప్ తీసుకున్నాడు. దాదాపు ఏడాది తర్వాత భీష్మ సినిమాతో సెట్స్ పైకి వచ్చాడు. రొమాంటిక్ కామెడీ ఎంటర్ టైనర్ గా తెరకెక్కుతున్న ఈ సినిమాతో బౌన్స్ బ్యాక్ అవ్వాలనుకుంటున్నాడు