శ్రుతి హాస‌న్ సెంటిమెంట్‌

చేతిలో సినిమాల్లేకపోయినా.. నాన్న సినిమా ఉందని మొన్నటివరకు గొప్పగా చెప్పుకునేది శృతిహాసన్. తండ్రి కమల్ హాసన్ తో శభాష్ నాయుడు అనే సినిమాను అప్పుడెప్పుడో జమానాలోనే స్టార్ట్ చేసింది శృతి. అప్ కమింగ్ ప్రాజెక్టుల గురించి ఎప్పుడు అడిగినా ఆ సినిమా గురించే చెప్పేది. ఇప్పుడా అవకాశం లేదు. శభాష్ నాయుడు సినిమాని బిన్‌లో ప‌డేశారు.

అవును.. తాజా సమాచారం ప్రకారం ఈ సినిమా పూర్తిగా ఆగిపోయింది. ఇంకా చెప్పాలంటే ఇది మ‌ళ్లీ రివైవ్ కాదు. ఎందుకైనా మంచిదని.. బ్రహ్మానందంతో చిన్నపాటి సెటిల్ మెంట్ కూడా పూర్తిచేశారట మేకర్స్. సినిమాని పూర్తిగా అట‌కెక్కించారనే విషయం ఈ సెటిల్ మెంట్ ద్వారానే బయటకొచ్చింది. 

ఇంతకీ ఈ సినిమా ఆగిపోవడానికి కారణం ఏంటో తెలుసా..? డబ్బుల్లేక ఈ సినిమా ఆగిపోలేదట. కేవలం బ్యాడ్ సెంటిమెంట్ వల్ల ఆపేశారట. ఈ సినిమా స్టార్ట్ అయిన తర్వాతే కమల్ కు పెద్ద యాక్సిడెంట్ అయింది. శృతిహాసన్ వ్యక్తిగత జీవితంలో కూడా ఒడిదుడుకులు వచ్చాయట. అందుకే సెంటిమెంట్ కొద్దీ సినిమాను పక్కనపెట్టారట.

ప్రస్తుతానికైతే ఓ తమిళ సినిమా, ఓ హిందీ సినిమా చేస్తోంది శృతిహాసన్. తెలుగులో రవితేజ ప్రాజెక్టు కోసం ఆమెను సంప్రదిస్తున్నారు.