బెడ్రూమ్ వదిలి కిచెన్ వైపు

వివాదాలతో పేరు తెచ్చుకున్న శ్రీ రెడ్డి ఇప్పుడు బెడ్ రూమ్ వదిలి కిచెన్ వైపు వచ్చింది. ఒకప్పుడు మాట ఎత్తితే సెక్స్ గురించే మాట్లాడేది. రోజూ హాట్ హాట్ ఫోటులు, డబులు మీనింగ్ మాటలతో సోషల్ మీడియాకి కిరాక్ తెచ్చింది. ఆ తర్వాత మోతాదు మించడంతో చిరాకు తెప్పించింది. ఇప్పుడు శ్రీ రెడ్డికి మునుపటి వేల్యూ లేదు.

ఐతే కాంట్రవర్సీల వల్ల వచ్చిన పాపులారిటీ కారణమో మరేదో కానీ దాన్నీ ఆమె ఇప్పుడు యూట్యూబ్ ఆదాయంగా మలుచుకుంటోంది. ఈ లక్డౌన్ పీరియడ్ లో అందరూ యూట్యూబ్ లో వంటకాల రెసిపీలను చూస్తున్నారు. వాటికి బాగా డిమాండ్ ఉంది. అందుకే, ఆమె కూడా ఈ టైంలో వంటకాల వీడియోలను అప్లోడ్ చేస్తోంది.

మా గోదారోళ్ల వంటలు అంటూ ఎండుచేపల కర్రీ అంటూ రకరకాల రెసిపీలను షేర్ చేస్తోంది. తనే స్వయంగా వంట చేస్తోంది. కొన్నాళ్ళు శ్రీ రెడ్డి బెడ్ రూమ్ వైపు చూపు వెయ్యదన్నమాట.