సుమ కూడా పులిహోర కలిపేసింది

పులిహోర కలపడం అంటే అందరికీ ఇప్పుడు ఒకటే అర్థం కనిపిస్తోంది. కానీ యాంకర్ సుమ మాత్రం నిజంగానే పులిహోర కలిపింది. శ్రీరామనవమి కావడం, పైగా లాక్ డౌన్ టైమ్ కూడా కావడంతో సుమ ఇలా ఇంట్లో తీరిగ్గా పులిహోర కలుపుతూ కూర్చుంది. ఆ వీడియోను ఇనస్టాలో కూడా పోస్ట్ చేసింది,

"అందరికీ శ్రీరామనవమి శుభాకాంక్షలు. పులిహోర కలుపుతున్నాను. వచ్చేస్తారా. అలాంటి పని మాత్రం చేయొద్దు. ఇంట్లోనే ఉండండి. బయటకు రాకండి. జాగ్రత్తగా ఉండండి. ఇంట్లోనే శ్రీరామనవమి చేస్కోండి." ఇలా ఓ చిన్నపాటి సందేశాన్ని కూడా ఇచ్చేసింది సుమ.

కరోనా వల్ల చాన్నాళ్లకు సుమకు తీరిక దొరికింది. లేదంటే పొద్దున్నుంచి రాత్రి వరకు షూటింగులే. ఈ ఛానెల్, ఆ ఛానెల్ అనే తేడాలేకుండా ప్రతి ఛానెల్ లో ఈమె కార్యక్రమాలు కనిపించాల్సిందే. అలా తీరికలేకుండా గడిపేసే సుమ జోరుకు కరోనా బ్రేకులు వేసింది. లాక్ డౌన్ కారణంగా షూటింగ్స్ అన్నీ నిలిచిపోవడంతో సుమ కూడా ఇంటికే పరిమితమైపోయింది. ఊహించని విధంగా కలిసొచ్చిన ఈ గ్యాప్ ను కుటుంబ సభ్యులతో సరదాగా గడిపేస్తూ ఎంజాయ్ చేస్తోంది.