మరోసారి సత్తా చాటిన చిరంజీవి

చిరంజీవికి సౌత్ లో ఉన్న క్రేజ్ మరోసారి ఎలివేట్ అయింది. కేవలం తెలుగులోనే కాదు.. తమిళ, మలయాళ, కన్నడలో మెగాస్టార్ కు భారీ ఫ్యాన్ ఫాలోయింగ్ ఉన్న విషయం తెలిసిందే. తాజాగా వచ్చిన తమిళ టీవీ రేటింగ్స్ తో ఈ విషయం మరోసారి రుజువైంది.

రీసెంట్ గా సన్ టీవీలో సైరా నరసింహారెడ్డి తమిళ వెర్షన్ ను వరల్డ్ టెలివిజన్ ప్రీమియర్ గా ప్రసారం చేశారు. ఈ సినిమాకు ఏకంగా 15.44 టీఆర్పీ రావడం విశేషం. ఓ డబ్బింగ్ సినిమాకు ఈ స్థాయిలో రేటింగ్ రావడం తమిళ టీవీ చరిత్రలో ఇదే ప్రప్రథమం. 

మొన్నటివరకు ఈ రికార్డు మహేష్ నటించిన స్పైడర్ పేరిట ఉండేది. ఆ సినిమా తమిళ వెర్షన్ కు 13.06 టీఆర్పీ వచ్చింది. ఇప్పుడా రికార్డును చిరంజీవి క్రాస్ చేశారు. గమ్మత్తైన విషయం ఏంటంటే.. బాహుబలి సిరీస్ తమిళ వెర్షన్ కు కూడా ఈ స్థాయిలో రేటింగ్స్ రాలేదు. 

తమిళనాట తెలుగు డబ్బింగ్ మూవీస్ కు వచ్చిన టాప్-5 రేటింగ్స్ ఇవి
సైరా - 15.44 టీఆర్పీ
వన్ నేనొక్కడినే - 13.06
స్పైడర్ - 10.4
బాహుబలి 2 - 10.33
బాహుబలి - 8.66