రౌడీబేబీ అద‌ర‌గొట్టింది క‌దా

డ్యాన్స్‌లో సాయి ప‌ల్ల‌వి ఇర‌గ‌దీస్తుంది. ఆమె ఇప్ప‌టి వ‌ర‌కు న‌ట‌న‌తోనే ఎక్కువ పేరు తెచ్చుకొంది. కానీ ఆమెకి డ్యాన్స్‌కి బాగా పేరు వ‌చ్చే సంద‌ర్భాలు త‌క్క‌వ వ‌చ్చాయి. అలాంటి పాట‌ల్లో ఫిదాలో వ‌చ్చిండే, ప‌డి ప‌డి లేచే మ‌న‌సులో ఓ పాట ఉంటాయి. ఐతే ఆమె అస‌లైన డ్యాన్స్ స్కిల్స్ రీసెంట్‌గా త‌మిళ సినిమాలో చూశారంతా.

ధ‌నుష్ హీరోగా నటించి, నిర్మించిన మారి 2లో ఓ పాట ఉంది. యువ‌న్ శంక‌ర్ రాజా స్వ‌ర‌ప‌ర్చిన రౌడీ బేబీ అనే పాట‌లో సాయి ప‌ల్ల‌వి త‌న స్టెప్పుల మాయాజాలం ఏంటో చూపించింది. ప్ర‌భుదేవా డ్యాన్స్ కంపోజ్ చేశాడు. ఈ భామ అద‌ర‌గొట్టింది. అందుకే రెండు వారాల్లోనే ఈ పాట 100 మిలియ‌న్ వ్యూస్ పొందింది. ఇది ఒక రికార్డు.

సాయి ప‌ల్ల‌వికి రీసెంట్‌గా స‌రైన బ్లాక్‌బ‌స్ట‌ర్ త‌గల్లేదు కానీ ఆమె టాలెంట్‌ని ఎవ‌రూ వంక పెట్ట‌లేరు.